ᐱᕈᖅᑐᕕᓃᑦ ᓂᕿᑖᕐᕕᒃ ᑲᑎᖅᓱᐊᖑᓲᑦ ᐱᓇᓱᐊᕈᓯᑕᒫᑦ ᐱᕈᖅᑐᒥᓂᕐᓂᒃ ᓂᐅᕕᐊᑦᓴᖃᓲᕆᕙᕗᑦ ᐱᓕᕆᐊᖑᓪᓗᓂ ᐋᖅᑭᒃᓱᖅᑕᐅᓯᒪᔪᖅ ᓂᕆᑎᑦᑎᒍᓐᓇᕐᓂᐊᕋᑦᑕ 3-4 ᐃᓄᓐᓂᒃ ᖃᑦᑎᓂᒃ ᐴᖅᓯᓯᒪᓂᐊᕐᒪᖔᑦᑕ ᖃᐅᔨᓴᐅᓯᑎᒍᑦ ᒪᓕᑦᑐᒋᑦ ᐊᒥᓲᓂᖏᑦ ᐃᓄᐃᑦ ᐱᔭᕆᐊᓖᑦ ᖃᐅᔨᒪᓇᑦᑎᐊᖁᓪᓗᒋᑦ ᑕᒪᐃᓐᓂ ᐃᖃᓗᒻᒥᐅᑕᐅᔪᑦ ᓂᕿᑦᑎᐊᕙᒃᑖᕈᓐᓇᕋᓗᐊᕐᒪᖔᑕ. ᓂᕈᐊᖅᑕᕗᑦ ᖃᓄᐃᑦᑑᓂᐊᕐᒪᖔᑦ ᐊᔾᔨᒌᙱᓐᓂᖃᓲᑦ ᐱᓇᓱᐊᕈᓯᑕᒫᑦ, ᑭᓯᐊᓂᓕ ᑕᒪᐃᓐᓅᖓᓗᒍ ᑕᒪᓐᓇ ᐱᓇᓱᐊᕈᓯᑕᒫᑦ ᐊᐅᓚᓂᖃᓲᖅ 18-22 ᐊᔾᔨᒌᙱᑦᑐᓂᒃ ᓰᕐᓇᖅᑐᓂᒃ ᐱᕈᖅᑐᒥᓂᕐᓂᓗ ᐱᖃᓯᐅᔾᔨᓪᓗᑎᑦ, ᓯᕗᓪᓕᐅᔾᔭᐅᓲᖑᓪᓗᑎᑦ ᐱᕈᖅᑐᒥᓃᑦ ᑲᓇᑕᒥ ᐊᑐᓲᕆᓪᓗᑎᒍᑦ.
ᑕᐃᒃᑯᐊ ᐃᓚᐅᖃᑕᐅᔪᒪᔪᑦ ᑕᒪᔅᓱᒧᖓ ᐱᓕᕆᐊᕐᒧᑦ ᑎᑭᓴᐃᔪᓐᓇᖅᑐᑦ ᖃᕋᓴᐅᔭᒃᑯᑦ ᓇᕿᑦᑎᓗᑎᑦ ᐅᕙᓂ, ᐅᕝᕙᓘᓐᓃᑦ ᖃᕋᓴᐅᔭᒃᑯᑦ order@qajuqturvik.ca ᑐᑭᓯᒋᐊᒃᑲᓐᓂᖁᓪᓗᒋᑦ. ᓂᖀᑦ ᐴᖅᑲᖅᓯᒪᔪᑦ ᐊᑐᐃᓐᓇᐅᒪᓲᑦ ᐊᐃᔭᐅᓗᑎᑦ ᕿᑎᖅᑰᑕᐅᑎᓪᓗᒍ ᐱᓇᓱᐊᕈᓯᑕᒫᑦ, ᓯᕿᙳᔭᖅ 11:30 ᐅᓪᓛᒃᑯᑦ ᑎᑭᓪᓗᒍ 5:30 ᐅᓐᓄᒪᓴᒃᑯᑦ.
ᓂᖀᑦ ᐊᑭᑐᓂᖅᓴᒻᒪᕆᐅᒻᒪᑕ ᑲᓇᑕᓕᒫᑉ ᓴᓂᐊᓂ ᑭᓱᓕᒫᑦ ᑎᑭᑎᑕᐅᓲᖑᓂᖏᓐᓄᑦ ᕿᓚᒥᑯᓗᒃ ᐅᒥᐊᕐᔪᐊᒃᑯᑦ ᐅᓯᑲᖅᑕᕐᓇᒥ ᐅᕝᕙᓘᓐᓃᑦ ᖃᖓᑕᓲᒃᑯᑦ ᑎᑭᑎᑕᐅᔭᕆᐊᖃᓲᖑᓪᓗᑎᑦ. ᐊᑕᐅᓯᖅ ᖃᐅᔨᓵᖅ ᓱᑲᓐᓂᖏᑦ ᓂᖀᑦ ᐊᑭᑦᑐᖅᐸᓪᓕᐊᓂᖏᑦ ᓄᓇᕗᒻᒥ ᒪᕐᕈᐃᓕᖅᑲᖓᒃᑲᓐᓂᒻᒪᕆᑦᑐᖅ ᑲᓇᑕᒥ ᐊᓯᖏᓐᓂ ᓂᖀᑦ ᐊᑭᑦᑐᐸᓪᓕᐊᓂᖏᑕ ᓱᑲᑦᑐᒃᑯᑦ ᓴᓂᐊᓂ.
ᐃᑲᔪᕈᒪᕖᑦ ᐃᓄᒻᒥᒃ ᐊᑭᓖᒍᓐᓇᖁᓪᓗᒋᑦ ᓂᕿᓂᒃ ᑲᑎᖅᓱᐊᒐᕆᔭᐅᓯᒪᔪᓂᒃ? ᖃᕋᓴᐅᔭᒃᑯᑦ ᑎᑭᓴᐃᔪᓐᓇᖅᑐᑎᑦ ᐊᒻᒪᓗ ᐅᓪᓗᖅ ᓂᕈᐊᖅᑕᐅᓂᖓᓂᒃ ᓇᕿᓪᓗᒍ
ᐃᓅᖃᑎᖕᓄᑦ ᓂᐅᕕᐊᕆᓗᒋᑦ. ᑖᒃᑯᐊ ᑐᓐᓂᖅᑯᑎᒋᔭᐅᔪᑦ ᐊᑐᖅᑕᐅᒐᔭᖅᑐᑦ ᐊᑭᖏᑦ ᐊᑭᓕᐅᑕᐅᓗᑎᑦ ᑕᐃᒃᑯᓄᖓ
ᐊᑭᓕᖅᓱᐃᒍᓐᓇᙱᑦᑐᓄᑦ ᑕᒪᐃᓐᓂ ᐊᑭᖏᓐᓂᒃ, ᖃᐅᔨᒪᓇᑦᑎᐊᖅᑎᑦᑎᔪᖅ ᐊᑯᓂᐅᔪᒧᑦ ᒪᑭᑕᔪᓐᓇᕐᓂᐊᕐᒪᑦ ᐱᓕᕆᐊᕗᑦ. ᖁᔭᓐᓇᒦᒃ!
ᐃᓄᐃᑦ ᐊᕐᓇᐃᑦ ᑲᑎᓐᓂᖏᑕ ᐱᓕᕆᐊᖓ, ᑲᑎᑎᑦᑎᒍᑕᐅᓲᖅ ᒪᕐᕈᐊᖅᑎᖅ ᐱᓇᓱᐊᕈᓯᕐᒥ ᐊᒻᒪᓗ ᑎᑭᑦᑎᓇᓱᐊᖅᑐᓂ ᐱᓕᕆᐊᖅ ᐃᑲᔪᖅᑐᐃᓗᑎᑦ ᐃᓄᓐᓂᒃ
ᐊᕐᓇᓂᒃ ᐱᖃᑎᒌᑦᑐᑦ ᐃᑲᔪᖃᑎᒌᖁᓪᓗᒋᑦ, ᐃᓕᖅᑯᓯᖏᓐᓂᒃ ᐃᓕᓐᓂᐊᕐᓗᑎᑦ, ᐊᒻᒪᓗ ᐃᑲᔪᕐᓂᓕᒃ ᐱᔪᓐᓇᕋᓗᐊᕐᒪᖔᑕ ᓄᓇᓕᓐᓂ ᐊᒻᒪᓗ
ᒐᕙᒪᒃᑯᓐᓂ ᐃᑲᔫᑎᒋᔭᐅᔪᓐᓇᖅᑐᓂᒃ.
ᑲᒪᔨᕗᑦ ᐱᒋᐊᖅᑎᑦᑎᓂᖃᓲᖅ ᑕᒪᐃᓐᓂ ᑲᑎᒪᓂᐅᔪᒥᒃ ᓂᖅᑎᐅᖅᑐᓂ ᓂᕆᔭᐅᓂᐊᖅᑐᓂᒃ ᐃᓄᐃᑦ ᐊᕐᓇᓄᑦ ᑲᑎᑦᑐᓄᑦ,
