ᐊᐱᖅᑯᑕᐅᒃᑲᔪᒃᑐᑦ ᐊᒻᒪᓗ ᑭᐅᔾᔪᑏᑦ

ᑐᑭᓕᒃ “ᖃᔪᖅᑐᕐᕕᒃ”.

ᓄᓇᓕᓐᓂ ᓂᕿᑖᕐᕖᑦ ᑲᒪᒋᔭᖃᕋᓱᐊᓲᑦ ᐱᔾᔪᑎᒋᔭᐅᓗᐊᖅᑐᓂᒃ ᓂᕿᖃᑦᑎᐊᙱᓐᓂᑉ ᑮᓇᐅᔾᔭᒃᓵᓂᑦ ᓇᓕᒌᔾᔫᒥᑎᑦᑎᔪᖃᖃᑦᑕᕐᓗᓂ, ᓄᓇᓕᓐᓂ ᐱᕕᖃᖅᑎᑦᑎᓪᓗᑎᑦ ᐃᖅᑲᓇᐃᔭᖃᑎᒌᓐᓂᖏᓐᓂᒃ, ᐃᓕᓐᓂᐊᕐᓂᕐᒥᒃ, ᐊᒻᒪᓗ ᐃᓕᓐᓂᐊᖅᑎᑦᑎᓗᑎᑦ ᐋᓐᓂᐊᖅᑕᐃᓕᒪᓂᕐᒥᒃ ᐊᒻᒪᓗ ᓂᕿᑦᓯᐊᕙᓕᕿᓂᕐᒥᒃ.

ᖃᔪᖅᑐᕐᕕᒃ ᓴᒥᑦᑎᑦᑎᓇᓱᐊᓲᖅ ᐋᓐᓂᐊᖅᑕᐃᓕᒪᓗᑎᑦ ᐃᓄᐃᑦ, ᐃᓚᒋᔭᐅᔪᕐᔫᔮᖅᑎᑦᑎᓗᑎᑦ, ᐊᒻᒪᓗ ᓂᕿᓕᕆᓂᕐᒥᒃ ᓇᒻᒥᓂᖅᓱᓕᕐᓗᑎᑦ ᐃᖃᓗᓐᓂ ᐊᑐᕐᓗᑎᑦ ᓴᙱᓂᖏᑦ ᓂᖀᑦ, ᐱᖅᑯᓯᖅ, ᐊᒻᒪᓗ ᓄᓇᓕᒃ. ᖃᓄᖅ ᑕᐅᑦᑐᖃᕐᒪᑦ?

ᐊᒥᓱᐊᓗᑎᒍᑦ ᑕᐅᑦᑐᓕᒃ!

ᖃᐅᑕᒫᑦ ᓄᓇᓕᒻᒥᐅᑕᓂᒃ ᓂᕆᑎᑦᑎᓲᖑᕗᒍᑦ ᐆᓇᖅᑐᓂᒃ, ᓂᕿᑦᑎᐊᕙᓂᒃ ᐱᓇᓱᐊᕈᓯᕐᒥ. ᐊᕐᕌᓂ ᓂᕆᑎᑦᑎᓚᐅᖅᓯᒪᔪᒍᑦ ᐅᖓᑖᓃᑦᑐᓂᑦ 20.000-0! ᐊᓯᖏᑦ ᐱᓕᕆᐊᖑᔪᑦ ᐱᖃᓯᐅᔾᔨᔪᑦ ᐱᓇᓱᐊᕈᓯᑕᒫᑦ ᐱᕈᖅᑐᕕᓂᕐᓂ ᑲᑎᖅᓱᖅᑕᐅᓯᒪᔪᓂᒃ ᓂᐅᕕᐊᒃᓴᖃᖅᓱᑕ, ᓂᕿᓕᕆᓂᕐᒧᑦ ᐃᓕᓐᓂᐊᖅᑎᑦᑎᕙᑦᓱᑕ, ᐃᓄᐃᑦ ᐊᕐᓇᐃᑦ ᑲᑎᑉᐸᑦᑐᑎᑦ, ᐊᔭᐅᕆᓪᓗᑕ ᓂᕿᑖᕈᓐᓇᕆᐊᖃᓂᕐᕐᓂᒥᒃ, ᐊᒻᒪᓗ ᕿᓐᓂᕐᕕᒃ ᓂᐃᓱᕐᕕᓕᕆᓪᓗᑕ ᐊᒻᒪᓗ ᐊᒥᓱᓂᒃ ᐃᓄᐃᑦ ᓂᕿᖏᓐᓂᒃ ᑲᑎᖅᓱᖅᓯᒪᔪᓂᒃ ᓂᐅᕕᕐᕕᒥᒃ ᐊᐅᓚᑦᑎᓪᓗᑎᑦ.

ᑕᐅᑐᙳᐊᒐᖃᕋᑦᑕᓕ ᐊᑐᕈᒪᓛᖅᑕᑦᑎᓐᓂᒃ ᐃᓅᓯᕐᒥᒃ ᓂᕿᓕᕆᓂᖅ ᓇᒻᒥᓂᖅ ᑲᒪᖏᓕᕐᓗᒍ ᐊᒻᒪᓗ ᓂᕿᖃᑦᓯᐊᖃᑦᑕᓕᕐᓗᑎᑦ ᓄᓇᕗᒻᒥᐅᑕᐅᔪᑦ. ᑕᐅᑐᙳᐊᒐᖃᖅᓱᑕ ᐋᖅᑭᒃᓱᖅᑕᐅᓯᒪᙵᔪᒃ ᓄᓇᓕᒻᒥ ᓂᖃᐃᓱᕐᕕᑉ ᐋᖅᑭᒃᓱᖅᓯᒪᓂᖓ ᐊᑐᖅᑕᐅᓗᓂ ᓯᕗᒃᑲᖅᑖᕆᔭᐅᓯᒪᔪᖅ ᐋᖅᑭᓱᖅᓯᒪᓂᖓ ᑲᓇᑕᒥ ᑲᑐᔾᔨᖃᑎᒌᒧᑦ ᐃᓚᒋᔭᐅᓪᓗᑕ ᑕᐃᑯᖓ, ᓄᓇᓕᓐᓂ ᓂᖃᐃᓱᕐᕖᑦ ᑲᓇᑕᒥ.

ᐱᓇᓱᐊᒐᖃᕋᑦᑕ ᐊᓂᒎᑎᖃᕐᓗᑕ ᑮᓇᐅᔭᑭᒃᓴᕐᓂᐅᕙᑦᑐᒥᒃ, ᐃᓕᓐᓂᐊᖅᑎᑦᑎᒍᑎᑕᖃᓕᕐᓗᓂ ᐊᑐᕋᒃᓴᐅᔪᓂᒃ, ᐊᒻᒪᓗ ᐋᖅᑭᓱᖅᓯᒪᐅᖅᑐᑦ ᐊᕝᕕᐊᕈᑎᖃᐅᕐᓂᖏᑦ ᐲᔭᕐᓗᒋᑦ ᓂᕿᑖᖃᑦᑕᕈᓐᓇᖁᓪᓗᒋᑦ ᓄᓇᕗᒻᒥ.

ᐅᓪᓗᒥᐅᔪᖅ ᐅᑯᓂᖓ ᐱᓕᕆᐊᖃᖅᑎᑦᑎᕙᑦᑐ:ᒍᑦ ᐊᑐᐃᓐᓇᐅᒪᑎᑉᐸᑦᑕᑦᑎᓐᓂᒃ (ᑐᑭᓯᒋᐊᕈᑎᒃᑲᓐᓂᖏᑦ ᐊᑐᓂ ᐱᓕᕆᐊᑉ ᐊᓪᓕᕐᒦᑦᑐᑦ):

• ᖃᐅᑕᒫᑦ ᓄᓇᓕᒻᒥᐅᑦ ᓂᕆᑎᑉᐸᑦᑐᒋᑦ

• ᐱᕈᖅᑐᕕᓃᑦ ᑲᑎᖅᓱᖅᓯᒪᔪᑦ ᓂᐅᕕᐊᕆᔭᒃᓴᑦ

• ᐃᓄᐃᑦ ᐊᕐᓇᐃᑦ ᑲᑎᖃᑦᑕᕐᓂᖏᑦ

• ᐃᓄᓕᖅᑕᖅᑖᕐᓂᖅ

ᐱᓕᕆᐊᕗᑦ ᐊᓯᔾᓯᓲᖑᖕᒪᑦ ᐊᕐᕌᒍ ᐊᑐᖅᐸᓪᓕᐊᓪᓗᑎᒍᑦ ᑕᐃᒪᐃᒻᒪᑦ ᑐᓵᒐᓱᐊᕈᓘᔭᖃᑦᑕᕆᑦ ᖃᕋᓴᐅᔭᒃᑯᑦ ᐃᓅᖃᑎᒌᒍᓐᓇᐅᑎᑎᒍᑦ ᖃᓄᐃᓕᐅᓕᕐᒻᒪᖔᑦᑕ ᑐᓴᐅᒪᖁᓪᓗᑎᑦ

ᐊᕐᕌᒍ ᐊᓂᒍᖅᐸᓪᓕᐊᑎᓪᓗᒍ ᖃᓄᐃᓕᐅᕈᓘᔭᖅᑐᖃᐃᓐᓇᓲᖅ. ᐱᐅᓛᖑᒐᔭᖅᑐᖅ ᑐᓴᖑᒪᖃᑦᑕᕐᓗᑎᑦ ᖃᓄᐃᓕᐅᖅᑎᑦᑎᓂᕆᓲᑦᑎᓐᓂᒃ ᒪᓕᓪᓗᒍ ᖃᕋᓴᐅᔭᒃᑯᑦ ᐃᓅᖃᑎᒌᒍᓐᓇᐅᑎᑎᒍᑦ.

655 ᒪᑦᑖᖅ ᐊᖅᑯᑎᖓ, ᐊᑭᐊᓂ ᐃᔾᔪᕐᓇᐃᑦᑐᖅ ᔫᑎᑉ ᑐᒃᓯᐊᕐᕕᖓ (ᐃᒡᓗᕕᒐᙳᐊᖅ ᑐᒃᓯᐊᕐᕕᒃ)

ᐅᓪᓗᒥᐅᔪᖅ ᐊᑭᓕᖅᓱᖅᑕᐅᙱᒃᑲᓗᐊᖅᑐᑎᑦ ᐱᔨᑦᑎᕋᖅᑕᐅᔪᓐᓇᖅᑐᑦ ᐅᖃᓕᒫᖅᑕᐅᔪᓐᓴᖅᑐᖅ ᐅᕙᓂ ᑲᓱᕈᑎᒥ. 

ᑎᑎᕋᕐᓗᑎᑦ ᖃᕋᓴᐅᔭᒃᑯᑦ ᐅᕗᖓ volunteer@qajuqturvik.ca

ᖃᐅᔨᖁᓪᓗᑎᑦ ᐅᓪᓗᒥᐅᔪᖅ ᐊᑭᓕᖅᓱᖅᑕᐅᙱᒃᑲᓗᐊᖅᑐᑎᑦ ᐱᔨᑦᑎᕋᖅᑕᐅᔪᓐᓇᖅᑐᑦ.

ᑕᒪᐃᓐᓂ ᐊᑭᓕᖅᓱᖅᑕᐅᙱᑦᑑᒐᓗᐊᖅ ᐃᓄᓐᓂᒃ ᐋᑦᑕᓇᖅᑐᒨᖅᓴᕋᐃᑦᑐᓂᒃ ᐱᔨᑦᓯᕋᕐᓂᕐᒧᑦ ᐱᕋᔭᓐᓂᑯᖃᙱᒃᑲᓗᐊᕐᒪᖔᖅ ᑎᑎᕋᖅᓯᒪᔪᒥᒃ ᖃᐅᔨᓴᖅᑕᐅᔭᕆᐊᓕᒃ ᒪᓕᓪᓗᒋᑦ ᓴᐳᒻᒥᐅᓯᖅᓯᓯᒪᓂᕐᒧᑦ ᐊᑐᐊᒐᕗᑦ.

ᐄ’, ᐊᑏ! ᖃᑭᒍᑎᒃᓴᓕᐅᙱᑦᑑᓪᓗᑕ, ᑕᑎᖃᓲᖑᒐᑦᑕ ᐃᑲᔪᖅᑐᖅᑕᐅᔾᔪᑎᓂᒃ ᑕᐃᒃᑯᐊ ᑕᑯᔪᒪᓲᑦ ᐱᓕᕆᐊᖃᕈᑎᓂᒃ ᐊᒻᒪᓗ ᐊᔭᐅᕆᓂᕐᒥᒃ ᓂᕿᖃᑦᓯᐊᖁᔨᕙᑦᑐᓂᒃ ᐊᒻᒪᓗ ᓂᕿᓕᕆᓂᕐᒥᒃ ᓇᒻᒥᓂᖅᓱᖁᔨᔪᓂᒃ. ᐊᐃᑦᑑᓯᐊᕗᑦ ᑕᐃᑯᙵᖅᑕᐅᓲᖑᕗᑦ ᑕᒪᐃᓐᓄᑦ ᐊᐅᓚᑦᑎᒍᓯᕐᓄᑦ.

ᐊᐱᕆᕙᕗᑦ ᐊᐃᑦᑑᓯᐊᖅᑖᖅᑎᑕᐅᓗᑕ ᑮᓇᐅᔭᓂᒃ −− ᐃᑭᐊᖅᑭᕕᑎᒍᑦ, ᑮᓇᐅᔭᓪᓚᑦᑖᖑᓗᒋᑦ, ᓯᒃᑭᒃᓴᔭᓕᐅᕐᓗᑎᑦ, ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᐊᐅᓪᓚᖅᑎᑦᑎᓗᑎᑦ ᑮᓇᐅᔭᓂᒃ. ᓂᕿᓕᕆᕙᓐᓂᑦᑎᓐᓄᑦ ᐊᒥᓲᓂᑎᖏᑎᒍᑦ (ᕼᐊᓐᓇᓚᖏᓐᓃᑦᑐᑦ ᐅᓪᓗᑕᒫᑦ!), ᓂᖀᑦ ᑐᓂᔭᐅᒧᑦ ᐊᒃᓱᕈᕐᓇᓕᖅᑎᑦᑎᖔᓲᑦ ᐋᖅᑭᒍᑎᐅᙱᓂᖅᓴᐅᓪᓗᑎ.

ᐄ’. ᑕᒪᐃᓐᓂ ᑐᓂᔭᐅᔪᑦ ᐅᖓᑖᓃᑦᑐᑦ $20 ᐊᐃᑦᑐᐃᓂᕐᒧᑦ ᓇᓕᖅᑲᖅᑖᕈᓐᓇᖅᑐᑦ. ᑖᒃᓯᔅᓕᕆᓂᕐᒧᑦ ᓇᓕᖅᑲᒥᒃ ᑐᓂᓯᓲᖑᔪᒍᑦ ᖃᕋᓴᐅᔭᖅᑎᒍᑦ ᐊᐃᑦᑐᖅᑕᑎᑦ ᑲᒪᒋᔭᐅᓚᐅᖅᑎᓪᓗᒋᑦ. ᓯᒃᑭᒃᓴᔭᒥᒃ ᐊᐅᓪᓚᖅᑎᑦᑎᓐᓂᕈᕕᑦ, ᖃᐃᑦᑎᒐᔭᕐᒥᔪᒍᑦ ᑖᒃᓯᔅᓕᕆᓂᕐᒧᑦ ᓇᓕᖅᑲᕐᒥᒃ ᑎᑎᖅᑲᓂᐊᕐᕕᒃᑯᑎᒍᑦ ᐃᓕᖕᓄᑦ ᐊᐅᓪᒪᖅᑎᓪᓗᒍ.

ᑮᓇᐅᔭᑦ ᑐᓂᔭᐅᓲᑦ ᐊᑑᑎᖃᓛᖑᓲᖑᕗᑦ, ᑐᓂᓯᔪᓐᓇᖅᑐᑎᑦ ᑕᐃᑲᓂ ᖃᕋᓴᐅᔭᒃᑯᑦ ᑐᓂᓯᒋᑦ−ᓚᓯᒪᔪᒥᒃ.

ᑐᓂᓯᒍᒪᓐᓂᕈᕕᑦ ᐊᓯᐊᒍᖔᖅ, ᖃᕋᓴᐅᔭᒃᑯᑦ ᑮᓇᐅᔭᓂᒃ ᐊᐅᓪᓚᖅᑎᑦᑎᔪᓐᓇᖅᑐᑎᑦ ᐅᕗ donate@qajuqturvik.ca, ᓯᒃᑭᒃᓴᔭᒥᒃ ᐊᐅᓪᓚᖅᑎᑦᑎᒍᓐᓇᖅᑐᑎᑦ ᐅᕗᖓ 655 ᒪᑦᑖᖅ ᐊᖅᑯᑎᖓ, ᐃᖃᓗᐃᑦ, ᓄᓇᕗᑦ NU, X0A 3H0

ᓂᖀᑦ ᖃᐅᑕᒫᑦ ᓄᓇᓕᒻᒥᐅᑦ ᓂᕆᓂᐊᖅᑕᖏᑦ ᐊᐃᒐᓱᐊᕐᓗᒋᑦ ᐊᒃᓱᕈᕐᓇᓗᐊᖅᑐᐊᓘᒻᒪᑦ. ᓂᕆᑎᑦᑎᓲᖑᒐᑦᑕ ᕼᐊᓐᓇᓚᖏᓐᓃᑦᑐᓂᒃ ᐃᓄᓐᓂᒃ ᐅᓪᓗᕐᒧᑦ ᐊᑕᐅᓯᕐᒧᑦ. ᑕᒪᓐᓇ ᑐᑭᓕᒃ ᐊᒥᓱᒡᒍᑎᓂᒃ ᓂᖅᑎᐅᓲᖑᒐᑦᑕ, ᐊᖏᔪᐊᓗᓐᓂᒃ. ᓇᓂᓯᒐᓱᐊᕐᓗᓂ ᒥᑭᓈᖅᑕᕐᓗᒋᑦ ᐊᒃᓱᕈᕐᓇᓗᐊᕐᒪᑦ. ᑕᐃᒪᐃᒻᒪᑦ ᑐᓂᔭᐅᔪᑦ ᐊᑑᑎᖃᓛᖑᔪᑦ ᐊᐅᓪᓚᖅᑎᑕᐅᒐᑎᑦ ᐃᑭᐊᖅᑭᕕᒃᑯᑦ/ ᑮᓇᐅᔭᐅᓗᒋᑦ/ᓯᒃᑭᒃᓴᔭᐅᓗᒋᑦ/ᖃᕋᓴᐅᔭᒃᑯᑦ ᐊᐅᓪᓚᖅᑎᑕᐅᓗᑎᑦ QCFC−ᒃᑯᓐᓄᑦ.

ᑭᓯᐊᓂᓕ ᒥᑭᔪᑯᓘᒐᓗᐊᕐᒥᒃ ᓂᕿᒃᑯᕕᖃᖅᑐᒍᑦ ᓂᖃᐃᓱᕐᕕᒻᒥ ᒪᑐᐃᖅᑕᐅᓯᒪᙱᑦᑐᑦ, ᐱᑐᖃᐅᓗᐊᙱᑦᑐᑦ ᐱᐅᔫᔪᑦ ᓂᖀᑦ ᕿᒪᒃᑕᐅᔪᓐᓇᖅᑐᑎᑦ.

ᐊᐱᖅᑯᑎᒃᓴᖃᒃᑲᓐᓂᕈᕕᑦ ᑐᓂᓯᓂᐅᑉ ᒥᒃᓵᓄᑦ ᑎᑎᕋᕈᓐᓇᖅᑐᑎᑦ ᐅᕗᖓ ᖃᕋᓴᐅᔭᒃᑯᑦ info@qajuqturvik.ca.

ᓂᕆᑎᑕᐅᓲᖑᒻᒪᑕ ᐅᓪᓗᕈᕐᒥᑕᕐᓇᒥ ᓇᒡᒐᔾᔭᐅᒥ ᑕᓪᓕᕐᒥᒻᒧᑦ. ᐆᓇᖅᑑᓪᓗᑎᑦ, ᓄᑖᑯᓘᓪᓗᑎᑦ ᓂᕆᑎᑕᐅᓲᑦ ᐊᑭᖃᙱᑦᑐᒋᑦ, ᑕᒪᒃᑮᒃ ᖃᔪᖅᑐᕐᕕᒻᒥ ᓂᕆᒍᓐᓇᓲᑦ ᐊᒻᒪᓘᓐᓃᑦ ᐊᖏᕐᕋᐅᔾᔨᓗᑎᑦ.

ᓇᓕᒧᒌᑦᑎᑦᑎᖁᓪᓗᑕ ᐊᒻᒪᓗ ᑲᙳᓇᖅᑐᒨᖁᓇᒋᑦ ᐱᔨᑦᑎᓲᕗᑦ, ᐊᐱᕆᕙᕗᑦ ᑕᐃᒃᑯᐊ ᖃᔪᖅᑐᕐᕕᒻᒥ ᓂᕆᓲᑦ ᓇᒃᓴᖃᑦᑕᙱᓪᓗᑎᑦ ᐊᓐᓂᑎᑦᑎᙱᓪᓗᑎᑦ ᓂᕆᔭᒃᓴᓂᒃ. ᑭᓯᐊᓂᓕ, ᐱᔨᑦᑎᖅᑕᕗᑦ ᐱᒃᑲᓐᓂᕈᒪᓐᓂᕈᑎᑦ ᓇᓕᐊᓐᓂᑐᐃᓐᓇᖅ ᓂᕿᓂᒃ, ᐱᖃᓯᐅᑎᓗᒍ ᐊᓐᓂᑎᒐᒃᓴᒥᒃ ᐊᖏᕐᕋᒥᓂᒃ ᓂᕆᓂᐊᖅᑕᖏᓐᓂᒃ, ᐅᑕᖅᑭᔪᓐᓇᖅᑐᑦ 12:45−ᕈᕋᓱᐊᕐᓂᖓᓂᒃ ᐅᓪᓗᒃᑯᑦ ᐊᒻᒪᓗ ᐊᒥᐊᒃᑯᓐᓂᕈᑦᑕ, ᑕᐃᒪᓕ ᐱᒃᑲᓐᓂᕈᓐᓇᕋᔭᖅᑐᑦ ᓂᕆᓂᐊᖅᑕᒥᓂᒃ.

ᐊᑭᓕᕆᐊᖃᙱᑦᑐᑦ, ᐊᑭᖃᙱᑦᑐᖅ!

ᓇᒡᒐᔾᔭᐅᒥ ᑎᑭᑦᑐᒍ ᑕᓪᓕᒥᕐᒧᑦ ᐱᓇᓱᐊᕈᓯᑕᒫᑦ, 11:30-1:00.

ᓂᕆᑎᑦᑎᕙᙱᑦᑐᒍᑦ ᐃᓕᓴᕆᔭᐅᓯᒪᙵᒃ ᕿᑲᕐᓇᒥᒃ.

ᑭᒃᑯᓕᒫᓄᑦ!

QCFC ᓴᖅᑭᑎᑦᑎᕗᖅ! ᑮᓇᐅᔭᓕᐅᕋᓱᐊᕐᓂᐅᕗᖅ ᓄᓇᓕᓐᓂ ᓂᖅᑎᐅᖅᑎᓂᒃ ᐊᒻᒪᓗ ᐊᖏᕐᕋᒥ ᓂᖅᑎᐅᓲᑦ ᐱᕕᖃᖅᑎᑦᑐᒋᑦ ᑲᑐᔾᔨᓗᑎᑦ ᐱᓕᕆᐊᕆᔪᒪᒻᒪᕆᓲᖏᓐᓂᒃ ᓂᖅᑎᐅᕐᓗᑎᑦ ᐊᒻᒪᓗ ᐱᐅᒃᓴᒻᒪᕆᓐᓂᖏᑦ ᓂᕿᓂᒃ ᓄᓇᓕᒻᒥᐅᓄᑦ ᑲᑐᔾᔨᓂᖃᕐᒪᑕ.

ᓯᕙᑖᕐᕕᒻᒥᐅᓲᖑᕗᖅ ᑕᖅᑭᓂᒃ ᓴᖅᑭᔮᖅᑎᑦᑎᓂᖃᕋᐃᒻᒪᑕ ᓂᖅᑎᐅᕈᓐᓇᖅᑕᒥᓂᒃ.

ᖃᐃᖁᓯᒪᓲᕗᑦ ᓂᖅᑎᐅᖅᑎᐅᔪᖅ, ᐊᓯᔾᔩᓐᓇᖅᑐᑦ ᑕᖅᑭᑕᒫᑦ, ᐋᖅᑭᒃᓱᐃᓲᖅ ᓂᕆᔭᐅᓂᐊᖅᑐᓂᒃ, ᐊᑭᓕᖅᓱᖅᑕᐅᙱᑦᑐᓂᒃ ᐱᔨᑦᑎᕋᕐᓂᐊᖅᑐᓂᒃ ᖃᐃᑎᑦᑎᓲᖅ, ᐅᐸᓗᖓᐃᔭᕐᓂᐊᕐᒪᑕ, ᐱᔨᑦᑎᕐᓗᑎᑦ, ᐊᒻᒪᓗ ᓴᓗᒻᒪᖅᓴᐃᓗᑎᑦ.

ᐋᖅᑭᒃᓱᐃᓪᓗᓂ ᓂᖅᑎᐅᖅᑎ ᐊᒻᒪᓗ ᒪᓕᑦᑐᒍ ᓂᕆᔭᐅᓂᐊᖅᑐᓂᒃ ᖃᐅᔨᔭᒃᓴᐅᙱᑦᑐᑎᑦ ᑭᓱᓕᐅᕐᓂᐊᕐᒪᖔᖅ ᖃᐅᔨᔪᒥᓇᖅᑐᓂᒃ: ᑕᒪᒃᑯᐊ ᓂᕆᔭᐅᓂᐊᖅᑐᑦ ᖃᐅᔨᒪᔭᐅᙱᑦᑐᑎᑦ ᐊᓕᐊᓇᐃᑦᑐᒥᒃ ᐊᑐᖅᑎᑕᐅᓲᖑᕗᑦ ᐃᓄᐃᑦ.

ᐄ’, ᑕᐃᑲᓂ ᓂᕆᑎᑦᑎᔪᖃᓕᕋᐃᒻᒪᑦ ᓂᖅᑎᐅᖅᑎᑲᖅᑐᑕ, ᐃᓯᕈᑎᑖᖅᓯᒪᔪᖃᕆᐊᓕᒃ. ᑎᑭᓵᕆᔭᐅᔪᓐᓇᖅᑐᑦ ᐃᓯᕈᑎᖏᑦ ᐅᕘ info@qajuqturvik.ca ᓯᕗᓂᐊᒍᑦ ᐱᔭᐅᓗᑎᑦ

• ᐊᑭᓖᒍᓐᓇᓲᑦ ᐊᑭᓖᒍᓐᓇᖅᑐᑦ ᖃᑦᓯᑐᐃᓐᓇᕐᓂᒃ ᒪᓕᑦᑐᒋᑦ. ᐅᐊᑦᑎᐊᕈ, ᐃᓯᕈᑏᑦ ᓂᐅᕕᐊᒃᓴᐅᕙᓚᐅᖅᓯᒪᔪᑦ $60/ᐃᓄᒃ ᐊᑕᐅᓯᖅ, ᑭᓯᐊᓂᓕ ᐃᓚᖏᑦ ᐊᒥᓲᓂᖅᓴᓂᒃ ᐊᑭᓖᖃᑦᑕᓚᐅᖅᓯᒪᓪᓗᑎᑦ ᐃᓚᖏᓪᓗ ᖃᑦᑏᓐᓇᐅᓂᖅᓴᓂᒃ ᐊᑭᓖᕙᑦᑐᑎᑦ.

• ᑮᓇᐅᔭᖅᑎᒍᑦ ᐊᑭᓖᖁᔨᕙᙱᑦᑐᒍᑦ; ᖃᕋᓴᐅᔭᒃᑯᑦ ᐊᐅᓪᓚᖅᑎᑕᐅᓗᑎᑦ ᐊᑭᓕᐅᑕᐅᒍᓐᓇᖅᑐᑦ ᐅᕗᖓ order@qajuqturvik.ca.

• ᐃᓯᕈᑏᑦ ᐊᑐᐃᓐᓇᐅᒪᓕᓲᑦ ᐱᓇᓱᐊᕈᓯᑉ ᓯᕗᓂᐊᒍᑦ ᓂᕆᑎᑦᑎᔪᖃᕐᓂᐊᖅᑎᓪᓗᒍ.

• ᑐᓴᐅᒪᖃᑦᑕᕆᑦ ᐃᓅᖃᑎᒌᒍᑎᑎᒍᑦ ᖃᕋᓴᐅᔭᒃᑯᑦ ᑭᖑᓪᓕᕐᒥᒃ ᓂᖅᑎᐅᖅᑐᖃᓛᓕᕐᒥᒻᒪᖔᖅ ᖃᖓᖔ

ᑐᑭᓕᒃ “ᓂᕆᔭᒃᓴᑦ ᐱᕈᓲᑦ ᓄᓇᒥ”

ᐊᑐᓂ ᑲᑎᖅᓱᒐᐃᑦ 18-20-ᓄᑦ ᓰᕐᓇᖅᑐᓂᒃ ᐱᕈᖅᑐᒥᓂᖃᐅᖅᑐᖅ ᐱᕈᖅᑐᒥᓂᕐᓂᓗ − ᓂᕆᔭᐅᔪᓐᓇᖅᑐᑦ ᐱᖓᓱᓄᑦ − ᑎᓴᒪᓄᓪᓗ ᐃᓄᖕᓄᑦ ᐱᓇᓱᐊᕐᓯᕐᒥ. ᑲᑎᖅᓱᒐᑦ ᐊᐃᔭᐅᔪᓐᓇᓲᑦ ᕿᑎᖅᑰᑕᐅᓕᕋᐃᒻᒪᑦ 11:30 ᐅᓪᓛᒃᑯᑦ ᑎᑭᓪᓗᒍ 5:30 ᐅᓐᓄᓴᒃᑯᑦ ᐃᒡᓗᑉ ᓈᓴᐅᑎᖓᓂ 655.

ᐊᔾᔨᒋᙱᑦᑐᒎᑕᕐᓂᒃ ᑲᑎᖅᓱᖅᓯᒪᓂᓕᒃ, ᑐᑭᓕᒃ ᐱᓇᓱᐊᕈᓯᑕᒫᑦ ᐊᔾᔨᒌᙱᓐᓂᖃᒐᓚᖃᑦᑕᕐᓂᐊᖅᑐᖅ. ᐋᖅᑭᒃᓱᖅᓯᒪᕙᑦᑕᕗᑦ ᑕᐃᒪᓐᓇ ᐱᐅᓛᕐᓂᒃ ᐊᑭᓕᓐᓂᒃ ᐱᖃᑦᑕᕐᓂᐊᕋᑦᑕ ᐱᕕᖃᖁᔅᓯᓐᓈᖅᑐᓯᓗ ᓄᑖᕐᓂᒃ ᐊᔾᔨᒌᙱᑦᑐᓂᒃ ᓂᕆᔭᒃᓴᖃᖃᑦᑕᕐᓂᐊᕋᔅᓯ.

ᐊᔾᔨᒌᙱᑦᑐᒡᒍᑕᐅᒐᓗᐊᖅᑎᓪᓗᒋᑦ ᑲᑎᖅᓱᖅᓯᒪᔪᑦ ᐱᕈᖅᑐᕕᓃᑦ, ᐊᑐᓂ ᑲᑎᖅᓱᐊᒐᑦ ᐃᓗᓕᖃᖃᑦᑕᕐᓂᐊᖅᑐᖅ 18-20 ᐊᔾᔨᒌᙱᑦᑐᓂᒃ ᓰᕐᓇᖅᑐᓂᒃ ᐱᕈᖅᑐᕕᓂᕐᓂᒃ ᐊᒻᒪᓗ ᐱᕈᖅᑐᕕᓂᕐᓂᒃ. ᑲᑎᖅᓱᒐᐃᑦ ᓈᒻᒪᖃᑦᑕᓲᑦ ᐃᓚᒌᑦᑐᑦ ᑎᓴᒪᐅᔪᓄᑦ ᐱᔭᐅᔪᓐᓇᖃᑦᑕᕐᓂᐊᕐᒪᑕ ᐊᑯᓂᐅᓂᖃᕐᓗᑎᑦ ᐱᓇᓱᐊᕈᓯᕐᒥ ᐊᑕᐅᓯᕐᒥᒃ.

ᐊᑭᓕᒫᖓ $100−ᖑᕗᖅ, ᑭᓯᐊᓂᓕ ᑕᒪᒃᑯᐊ ᑭᒃᑯᓕᒫᓄᑦ ᐊᑐᐃᓐᓇᐅᕗᑦ ᐊᑭᓖᒍᓐᓇᕐᓂᖏᑦ ᒪᓕᑦᑐᒋᑦ, ᑐᖔᓂᐅᙱᑦᑐᖅ ᐊᑭᖏᑦ $25.

ᐋᒡᒐ, ᐊᓯᐊᒍᖔᖅᑐᖅ! ᓂᐅᕕᕋᐃᒐᕕᑦ ᐱᕈᖅᑐᕕᓂᕐᓂᒃ ᑲᑎᖅᓱᒐᕐᓂᒃ ᓂᕿᓂᒃ ᑕᒪᐃᓐᓂ ᐊᑭᖓ ᐊᑭᓕᐅᑎᒋᓗᒍ, ᐃᑲᔪᓲᖑᕗᑎᑦ ᑲᑎᖅᓱᖅᓯᒪᒻᒥᔪᓕᓂᒃ ᓂᕿᓂᒃ ᐊᓯᐊᓄᑦ ᐃᓄᓐᓄᑦ ᓄᓇᖅᑲᑎᖕᓄᑦ ᐱᔭᕆᐊᖃᓪᓚᕆᑦᑐᒥᒃ.

ᓂᕿᖃᑦᑕᙱᓗᐊᕐᓂᐊᓗᒃ ᑳᑐᐃᓐᓇᕐᓂᐅᙱᓚᖅ. ᐊᔾᔨᒌᙱᑦᑐᓂᒃ ᐊᔪᖅᓴᓲᑦ ᓲᕐᓗᒃ ᓂᕆᙲᓐᓇᖅᑐᑎᑦ ᐊᒥᓱᐊᖅᑎᖅ ᐃᓱᒫᓗᒃᑐᑎᑦ ᖃᓄᖅ ᓂᐅᕕᕈᓐᓇᕐᓂᐊᕐᒪᖔᑦ ᐱᐅᔪᓂᒃ ᓂᕿᓂᒃ ᐱᔪᒪᔭᕐᒥᓂᒃ ᓂᕆᑎᖁᓪᓗᒋᑦ ᐃᓚᖏᑦ. ᐊᑭᓖᒍᓐᓇᕐᓂᕐᓂ ᒪᓕᑦᑐᒍ ᐊᑭᓕᐅᑎᖃᕐᓂᖅ ᐃᓄᓐᓂᒃ ᐱᔪᓐᓇᖅᑕᒥᓂᒃ ᒪᓕᑦᑐᒋᑦ ᓂᐅᕕᖅᑎᓲᕗᑦ ᐊᒻᒪᓗ ᑮᓇᐅᔾᔭᒃᓵᖏᑦ ᐊᓯᔾᔨᖅᑐᒥᓂᐅᑎᓪᓗᒋᓪᓗ ᓂᐅᕕᕈᓐᓇᕐᓂᐊᕐᒪᑕ.

ᖃᕋᓴᐅᔭᒃᑯᑦ ᑎᑎᕋᕐᕕᒋᓗᒋᑦ order@qajuqturvik.ca ᑎᑭᓵᕆᔭᒃᓴᑦ, ᐊᒻᒪᓗ ᑕᐃᑯᖓᔅᓴᐃᓐᓇᖅ ᐊᐅᓪᓚᖅᑎᑦᑎᓗᑎᑦ ᑮᓇᐅᔭᓂᒃ ᖃᕋᓴᐅᔭᒃᑯᑦ ᐊᑭᓖᓗᑎᑦ. ᐃᓄᒃᑎᒍᑦ ᐊᑭᓖᒍᓐᓇᕐᒥᔪᑎᑦ ᐊᑭᓕᒃᓴᓂᒍᓐᓇᐅᑏᑦ ᐊᑐᕐᓗᒍ ᐅᕝᕙᓘᓐᓃᑦ ᐊᑭᓕᐅᑎᖃᕐᓗᑎᑦ ᐊᐅᒃᑕᔫᕐᒧᑦ, ᑭᓯᐊᓂᓕ ᑕᒪᐃᓐᓂ ᑎᑭᓵᕆᔭᐅᔪᑦ ᐊᑭᓕᖅᑕᐅᑲᐅᑎᒋᔭᕆᐊᓖᑦ ᐊᐃᒃᓯᖅᑐᖃᓚᐅᙱᓐᓂᖓᓂᒃ.

ᐊᑭᓕᕆᐊᓖᑦ ᓂᐅᕕᐊᕆᔭᑦ ᓇᒡᒐᔾᔭᐅ ᐊᓂᒍᓚᐅᙱᓐᓂᖓᓂᒃ ᑕᐃᑲᓂ ᐱᓇᓱᐊᕈᓯᕐᒧᑦ ᑲᑎᖅᓱᒐᕐᓂᒃ ᓂᕿᓂᒃ ᑎᑭᓴᐃᔪᓄᑦ.

ᑭᒃᑯᑐᐃᓐᓇᕐᓄᑦ!

ᑖᓐᓇᓕ ᐱᓇᓱᐊᕈᓯᑕᒫᑦ ᐱᓕᕆᐊᖅ ᑲᑎᒪᑎᑦᑎᓂᖃᓲᖅ ᐃᓄᓐᓂᒃ ᐊᕐᓇᓂᒃ ᒥᖅᓱᕐᓗᑎᑦ, ᓂᖅᑎᐅᕐᓗᑎᑦ, ᐊᒻᒪᓗ ᐊᓯᖏᓐᓂᒃ ᖃᓄᐃᓕᐅᖅᓱᑎᑦ. ᐊᐅᔭᐅᓕᕋᐃᒻᒪᓪᓗ, ᑖᓐᓇ ᐱᓕᕆᐊᖅ ᑲᒪᒋᔭᐅᓲᖑᕗᖅ ᓯᓚᒥ, ᐃᓚᐅᖃᑕᐅᔪᑦ ᕿᔪᒃᑖᕐᓂᒃ ᓄᐊᑦᑎᓪᓗᑎᑦ ᐃᒐᓂᐊᕋᒥᒃ ᑏᓕᐅᕐᓗᑎᑦ ᓂᖅᑎᐅᕐᓗᑎᓪᓗ, ᐊᒻᒪᓗ ᒥᖅᓱᕆᐅᖅᓴᓗᑎᑦ ᐃᓕᓴᐃᔨᖃᐅᖅᓱᑎᑦ ᒥᖅᓱᖅᑎᒻᒪᕆᓐᓂᒃ. ᐊᕐᕌᒍᓕ ᐊᒥᐊᒃᑯᒋᔭᖓᓂ, ᐱᓕᕆᐊᖅ ᑲᒪᒋᔭᐅᓲᖅ ᐃᒡᓗᑉ ᐃᓗᐊᓂ ᒥᖅᓱᕆᐅᖅᓴᑎᓪᓗᑎᑦ. ᓇᓕᐊᖑᒐᓗᐊᕈᓂᓘᓐᓃᑦ, ᐱᓕᕆᐊᖅ ᐱᒋᐊᕈᑎᖃᐃᓐᓇᓲᖅ ᐆᓇᖅᑐᒥᒃ ᓂᕆᔪᖃᖅᑳᕐᓗᓂ ᐊᒻᒪᓗ ᒥᖅᓱᕆᐅᖅᓴᓗᑎᑦ ᖁᓕᑦᑕᐅᔭᓕᐅᖅᑐᑎᑦ ᐳᐊᓗᓕᐅᖅᓱᑎᓪᓘᓐᓃᑦ ᕿᓯᒻᒥᒃ ᐊᑐᕐᓗᑎᑦ.

ᐊᐱᖅᑯᑎᖃᕈᕕ ᐅᕝᕙᓘᓐᓃᑦ ᐊᑎᓕᐅᕈᒪᒍᕕᑦ, ᖃᕋᓴᐅᔭᒃᑯᑦ ᑎᑎᕋᕐᓗᑎᑦ ᐅᕗᖓ mary@qajuqturvik.ca ᐅᕝᕙᓘᓐᓃᑦ ᐅᖄᓚᓗᑎᑦ ᓂᕿᑖᕐᕕᒻᒧᑦ 979-4863

ᖃᑦᑎᕌᙱᒻᒪᑦ, ᐊᑭᖃᙱᑦᑐᖅ!

ᐊᐱᕆᕗᒍᑦ ᑕᒪᓐᓇ ᐃᓅᓂᕋᖅᑐᓄᑦ ᐊᕐᓇᐅᓂᕋᕐᓗᑎᑦ ᐊᑐᖅᑕᐅᖃᑦᑕᕐᓂᐊᕋᒥᒃ.

ᓂᐅᕕᕐᕕᒃ ᑕᐃᑲᓃᑦᑐᖅ 655 ᒪᑦᑖᖅ ᐊᖅᑯᑎᖓ −− ᑕᐃᑲᓂᔅᓴᐃᓐᓇᖅ ᓂᕆᔭᖅᑐᕐᕕᒻᒥ. ᐃᓯᕐᕕᖓ ᓂᐅᕕᕐᕕᒃ ᖃᓂᒋᓛᖓᓃᑦᑐᖅ ᐋᓐᓕᑲᓐ ᐃᒡᓗᕕᒐᙳᐊᖅ ᑐᒃᓯᐊᕐᕕᑉ.

ᓂᐅᕕᕐᕕᒃ ᒪᑐᖏᖓᓲᖅ ᓇᒡᒐᔾᔭᐅᒥ ᑕᓪᓕᒥᕐᒧᑦ, 11 ᐅᓪᓛᒃᑯᑦ ᑎᑭᑦᑎᑐᒍ 6 ᐅᓐᓄᒃᑯᑦ.

ᐅᖄᓚᐅᑎᖓ: 979-1369

ᖃᕋᓴᐅᔭᒃᑯᑦ: qinnirvik@qajuqturvik.ca ᐅᕝᕙᓘᓐᓃᑦ ᖃᐃᓗᓯ 655 ᐅᕝᕙᓘᓐᓃᑦ ᖃᐃᓗᑎᑦ 644 ᒪᑦᑖᖅ ᐊᖅᑯᑎᖓ, ᓴᓂᕌᒍᑦ ᐃᓯᕐᕕᖓ ᐃᒡᓗᕕᒐᙳᐊᑉ ᑐᒃᓯᐊᕐᕕᑉ.

ᐅᖄᓚᓗᑎᑦ ᓂᐅᕕᕐᕕᒻᒥ ᒪᑐᐃᖓᑎᓪᓗᒍ ᐅᕗᖓ 979-1369 ᖃᐅᔨᖁᓪᓗᑎᑦ ᐅᕝᕙᓘᓐᓃᑦ ᖃᐃᓗᓯ 655 ᒪᑦᑖᖅ ᐅᖅᑯᑎᖓ.

ᕿᓐᓂᕐᕕᒃ ᐊᐅᒃᑕᔫᒧᑦ ᐊᑭᓕᒃᓴᓂᒍᓐᓇᐅᑎᒧᓪᓘᓐᓃᑦ ᓂᐅᕕᕐᕕᒃᓴᐅᔪᖅ. ᑮᓇᐅᔭᓂᒃ ᐊᑐᖅᑐᖃᖅᐸᙱᑦᑐᖅ.

ᐋᒡᒐ -- ᐃᓄᐃᑦ ᓂᕿᖏᓐᓂᒃ ᓇᒧᑐᐃᓐᓇᓴᖅ ᐊᐅᓪᓚᖅᑎᑦᑎᕙᙱᑦᑐᒍᑦ.

• ᐄ’, ᑭᓯᐊᓂᓕ ᐃᓛᓐᓂᒃᑯᑐᐃᓐᓇᖅ ᐊᒻᒪᓗ ᐃᖃᓗᓐᓂᑐᐊᖅ ᑭᓯᐊᓂ. ᐊᓯᖏᓪᓕ ᓄᓇᓕᐅᔪᑦ ᓄᓇᕗᓕᕐᒥ, ᐃᖅᑲᓇᐃᔭᖃᑎᖃᓲᖑᒐᑦᑕ ᐱᓕᕆᐊᖃᖅᑏᑦ ᓄᓇᕗᒻᒥ ᐋᖅᑮᓯᒪᔪᑦ ᐊᓯᕙᖅᑎᓂᒃ ᐊᖑᓇᓱᐊᖅᑎᑦᑎᓲᖑᓪᓗᑎᑦ

• ᓂᐅᕕᕐᓗᑎᑦ ᐃᓄᓕᖅᑕᓂᒃ ᐱᖓᓱᓂᑦ ᐊᕕᑦᑐᖅᓯᒪᔪᓂᒃ. ᐋᖅᑮᔪᓐᓇᖅᑐᑎᑦ ᐊᑎᓕᐅᕐᕕᖕᓂᑦ ᐱᓕᕆᐊᖃᖅᑎᑦᑎᔩᑦ ᓄᓇᕗᒻᒥ (ᒪᓕᑦᑐᒍ ᐊᖑᓇᓱᑦᑏᑦ ᐱᓕᕆᐊᖓ) ᐊᓯᕙᖅᑎᐅᓗᑎᑦ ᐊᒻᒪᓗ ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ ᐅᕙᓂ ᐃᑭᐊᖅᑭᕕᒻᒥ https://projectnunavut.com

• ᐃᖃᓗᓐᓂ ᐊᓯᕙᖅᑎᓄᑦ:

• ᖃᐃᓗᓯ ᕿᓐᓂᕐᕕᒻᒧᑦ, ᖃᕋᓴᐅᔭᒃᑯᑦ ᑎᑎᕋᕐᓗᑎᓪᓘᓐᓃᑦ ᐅᕗᖓ qinnirvik@qajuqturvik.ca ᐅᕝᕙᓘᓐᓃᑦ ᐅᖄᓚᕕᒋᓗᒋᑦ ᕿᓐᓂᕐᕕᒃᑯᑦ ᐅᕗᖓ (979-1369) ᐊᒻᒪᓗ ᑐᓂᓗᒍ ᐊᑏ, ᐅᖄᓚᐅᑏᑦ, ᐊᒻᒪᓗ ᑭᓱᒥᒃ ᓂᐅᕕᐊᒃᓴᖃᕐᒪᖔᖅᐱᑦ ᐅᖃᐅᔾᔨᓗᑎᑦ. ᐃᖅᑲᓇᐃᔭᖅᑎᕗᑦ ᖃᐅᔨᒋᐊᕋᔭᖅᑐᑦ ᖁᐊᒃᑯᕕᑦᑎᓐᓂ ᐱᔭᕆᐊᖃᕐᒪᖔᑦᑕ ᓂᐅᕕᐊᑦᓴᕆᔭᕐᓂᒃ

• ᖃᐅᔨᒃᑲᕋᔭᕋᑦᑎᒋᑦ ᓂᐅᕕᕈᒪᒻᒪᖔᑦᑕᓘᓐᓃᑦ ᐃᓄᐃᑦ ᓂᕿᓐᓂᖏᑦ.

• ᐃᓚᖏᑦ ᐊᓯᖏᑦ ᓇᓗᓇᐃᔭᖅᓯᒪᓂᖏᑦ:

• ᓂᐅᕕᓲᖑᕗᒍᑦ ᐃᖃᓗᒻᒥᒃ ᐅᖁᒪᐃᓐᓂᖏᑎᒍᑦ ᒪᓕᑦᑐᒋᑦ, ᐊᒥᓲᓂᖏᑎᒎᙱᑦᑐᖅ. ᓂᐅᕕᕈᑦᑎᒍᑦ, ᐱᔭᕆᐊᖃᕋᔭᖅᑐᒍᑦ ᐊᑭᓕᖅᑕᐅᔪᒪᔾᔪᑎᒥᒃ ᐃᓕᖕᓂᑦ, ᐊᑭᓕᐅᑕᐅᓲᑦ ᑕᓪᓕᕐᒥᑕᒫᑦ ᐴᖅᓯᕕᐅᑲᐅᑎᒋᓗᑎᑦ

• ᐊᑭᓖᕙᙱᑦᑐᒍᑦ ᑮᓇᐅᔭᖅᑎᒍᑦ ᐅᕝᕙᓘᓐᓃᑦ ᓯᒃᑭᓕᐅᖅᐸᒐᑕ

• ᐃᓄᐃᑦ ᓂᕿᖏᑦ ᐱᐅᔫᔭᕆᐊᓖᑦ ᐊᒻᒪᓗ ᐋᓐᓂᐊᖅᑕᐃᓕᒪᔪᓕᕆᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒨᖓᔪᓪᓗ ᒪᓕᑦᑕᐅᔭᕆᐊᓕᖏᑦ ᒪᓕᑦᑕᐅᔭᕆᐊᓖᑦ

ᓂᐅᕕᕐᕕᒻᒥ ᐊᓪᓚᑦᑎ ᐃᓛᓐᓂᒃᑯᑦ ᑭᒡᓕᖃᖅᑎᑦᑎᓲᖅ, ᒪᓕᑦᑐᒋᑦ ᓂᐅᕕᐊᒃᓴᐅᔪᑦ ᐊᒻᒪᓗ ᐱᔭᐅᔪᒪᒪᓂᖏᑦ. ᑕᐃᒪᐃᓗᐊᓲᖑᕗᖅ, ᑭᒡᓕᖃᖅᑎᑕᐅᓲᑦ ᐱᔭᐅᔪᒪᓛᓄᑦ, ᓲᕐᓗᒃ ᑐᒃᑐ ᐅᕝᕙᓘᓐᓃᑦ ᐊᒻᒨᒪᔪᑦ. ᑕᐃᒪᐃᑦᑎᓪᓗᑕ ᖃᐅᔨᒪᑦᑎᐊᖅᑎᑦᑎᕗᒍᑦ ᐊᒥᓱᑦ ᐃᓄᐃᑦ ᓄᓇᓕᒻᒥ ᑲᑐᔾᔨᔪᓐᓇᕐᓂᐊᕐᒪᑕ ᐃᓄᐃᑦ ᓂᕿᖏᓐᓂᒃ

ᑕᒪᓐᓇ ᑐᑭᖃᕆᕗᖅ ᕿᓐᓂᕐᕕᒃ ᓂᐅᕕᐊᒃᓴᖃᖅᐸᙱᑦᑐᖅ ᐃᓄᓕᖅᑕᓂᒃ ᑮᓇᐅᔭᓕᐅᕈᑕᐅᒐᓱᐊᕐᓂᐊᕐᓗᑎᑦ ᐅᕝᕙᓘᓐᓃᑦ ᑲᑐᔾᔨᖃᑎᒌᓄᑦ.

ᕿᓐᓂᕐᕕᒃ ᐃᓄᒃᑎᑐᑦ ᑐᑭᓕᒃ ᓂᕿᓄᑦ ᑐᖅᑯᐃᕕᐅᒻᒪᑦ. ᐊᑎᖓ ᐊᔾᔨᓕᒃ ᐱᒻᒪᕆᒋᔭᑦᑎᓐᓂ ᐊᒻᒪᓗ ᐃᓱᒪᒋᔭᑦᑎᓐᓂ. ᑕᒪᐃᓐᓂ ᓄᓇᓕᒻᒥᐅᑦ ᐊᐃᒃᓯᔭᖅᑐᕈᓐᓇᖅᑐᑦ ᐃᓄᐃᑦ ᓂᕿᖏᓐᓂᒃ ᐅᑉᐱᕈᓱᒃᑲᑦᑕ ᐃᓄᐃᑦ ᓂᕿᖏᑦ ᐱᕐᔪᐊᖑᒻᒪᑕ ᐃᓄᐃᑦ ᑭᒃᑰᓂᖏᓐᓄᑦ, ᐃᓕᖅᑯᓯᖏᓐᓄᑦ, ᐊᒻᒪᓗ ᐱᒻᒪᕆᒋᔭᖏᓐᓄᑦ. ᕿᓐᓂᕐᕕᒃ ᑲᓱᖅᑎᑕᐅᓪᓗᑎᑦ ᐃᓄᐃᑦ ᐊᕙᑎᒧᑦ, ᐃᓕᓐᓂᐊᖃᑎᒌᓪᓗᑎᑦ, ᐊᒻᒪᓗ ᐃᓅᖃᑎᒌᓪᓗᑎᑦ − ᑕᒪᒃᑯᐊᓕᒫᑦᓯᐊᑦ ᐱᒻᒪᕆᒋᓪᓗᑎᒍᑦ.

• ᕖᕝᕗᐊᕆ 2025-ᖑᑎᓪᓗᒍ. ᐅᕝᕙ ᐅᑯᐊᖓ ᖃᐅᒃᑰᖅᑕᖅᑎᓪᓗᒍ ᖃᔪᖅᑐᕐᕕᑉ ᐊᑐᖅᐸᓪᓕᐊᓯᒪᔭᖏᑦ ᒪᑐᐃᖅᑕᐅᓇᓱᐊᕐᕐᓂᖓᓄᑦ ᕿᓐᓂᕐᕕᒃ:

• ᐄᐳᕈᓪ 2023: ᑐᓂᓯᔪᒥᓂᐅᕗᒍᑦ ᑐᒃᓯᕋᐅᑎᒥ ᓯᑎ ᑐᙵᕕᖓ ᓄᓇᕐᔪᐊᕐᒥ ᖃᓄᖅᑑᖅᓯᒪᓗᑎᑦ ᐱᓇᓱᐊᒐᖃᖁᔨᔪᓄᑦ, ᐱᓕᕆᐊᖅ ᐊᐃᑦᑑᓯᐊᖅᑖᖅᑎᑕᐅᓲᑦ ᓄᓇᓕᓐᓂ ᑲᑐᔾᔨᖃᑎᒌᖑᔪᓄᑦ ᑲᒪᒋᔭᓖᑦ ᐃᓅᓯᕐᒥᒃ ᐱᕙᓪᓕᐊᓂᕐᒥᒃ ᐱᔾᔪᑎᓖᑦ ᓄᓇᕐᔪᐊᓕᒫᕐᒥ. ᐊᑐᓂ 50−ᐅᔪᑦ ᓄᓇᓕᓐᓂ ᑲᑐᔾᖃᑎᒌᑦ ᓂᕈᐊᖅᑕᐅᔪᑦ ᐱᓂᐊᔪᒻᒪᑕ $500,000 ᒥᐊᓕᒐᐃᑦ ᑮᓇᐅᔭᖏᑦ ᒪᓕᑦᑐᒋᑦ.

• ᓯᑏᕝᕙ 2023: ᓯᑎ ᑐᙵᕕᖓ ᑐᓴᖅᑎᑦᑎᔪᕗᑦ ᖃᔪᖅᑐᕐᕕᒃ ᓄᓇᕐᔪᐊᕐᒥ ᖃᓄᖅᑑᖅᓯᒪᓪᓗᑎᑦ ᐱᓕᕆᐊᖃᕋᓱᐊᖅᑎᐅᓂᖏᓐᓄᑦ ᓵᓚᖃᖅᑐᒥᓂᐅᕗᑦ ᐊᐃᑦᑑᓯᐊᓂᒃ!

• ᐊᒃᑑᕝᕙ 2023: ᖃᔪᖅᑐᕐᕕᒃ ᑭᓱᖁᑎᖃᐅᕐᒪᖔᖅ ᖃᐅᔨᓴᓕᓚᐅᖅᓯᒪᔪᖅ ᓱᓇᒃᑯᑖᕐᓂᒃ ᐊᑐᕆᐊᓕᒻᒥᓂᒃ ᐊᒻᒪᓗ ᐱᓕᕆᖃᑎᒋᓂᐊᖅᑕᒥᓂᒃ ᐃᖅᑲᓇᐃᔭᖃᑎᒋᔭᐅᓗᑎᓪᓗ ᐊᓯᕙᖅᑏᑦᓄᓇᕗᓕᒫᕐᒥ ᐃᖅᑲᓇᐃᔭᖃᑎᖃᕆᐊᓯᓪᓗᑎᑦ ᐃᓄᐃᑦ ᓂᕿᖏᓐᓂᒃ ᐱᖃᑦᑕᕐᓂᐊᕐᒪᑕ.

• ᕖᕝᕗᐊᕆ 2024 : ᑲᓇᑕᒥ ᐅᑭᐅᖅᑕᖅᑐᓕᕆᔨᒃᑯᑦ ᑐᓴᖅᑎᑦᑎᕗᑦ ᐃᑲᔪᖅᑐᐃᓂᐊᕐᓂᕐᒥᓂᓪᓗ ᖃᔪᖅᑐᕐᕕᒃ ᐃᓄᐃᑦ ᓂᕿᑖᕐᕕᖓᓂᒃ ᐊᒻᒪᓗ ᐊᒥᓱᓂᒃ ᓂᐅᕕᐊᒃᓴᖃᕐᕕᖓᓂᒃ, ᑐᓂᓯᓪᓗᑎᑦ $235,000−ᓂᒃ ᑮᓇᐅᔭᓂᒃ ᒪᕐᕉᒃ ᐊᕐᕌᒎᓂᐊᖅᑑᓐᓂᒃ.

• ᕖᕝᕗᐊᕆ/ᒫᑦᓯ 2024: ᓴᓇᒋᐊᖅᑕᐅᔪᖅ ᓂᖃᐃᓱᕐᕕᒃ ᖃᔪᖅᑐᕐᕕᒃ ᐱᕕᖃᖅᑎᑕᐅᖁᓪᓗᒍ ᓂᐅᕕᕐᕕᒃ.

• ᐄᐳᕈᓪ 2024: ᖃᔪᖅᑐᕐᕕᒃ ᓂᐅᕕᖅᑐᑦ ᐊᒻᒪᓗ ᐋᖅᑮᓪᓗᑎᑦ ᖃᕋᓴᐅᔭᓂᒃ ᓂᐅᕕᕈᓯᐅᖃᑦᑕᕐᓂᐊᖅᑐᒥᒃ ᓂᐅᕕᕐᕕᒻᒧᑦ.

• ᓯᑏᕝᕙ 2024: ᐃᖅᑲᓇᐃᔭᖅᑎᑖᖅᑐᒍᑦ ᓂᐅᕕᕐᕕᒻᒥ ᐊᓪᓚᑦᑎᒥᒃ! ᐊᐃᓂᐊᖅ ᓄᓱᑦᑕᖅ ᐃᖅᑲᓇᐃᔭᖅᑎᑖᕆᔭᐅᕗᑦ ᐊᒻᒪᓗ, ᑖᒃᑯᐊᓗ ᐊᐅᓚᑦᓯᔨᐅᖃᑎᒌᑦᑑᒃ ᕗᕌᓐᓰᓐ ᑐᓯᐊᑦ, ᓯᕗᓕᖅᑎᐅᓕᖅᑐᑎᒃ ᓂᐅᕕᕐᕕᒃ ᐱᔭᕇᖅᑕᐅᓪᓗᓂ.

• ᑎᓰᕝᕙ 2004: ᓂᐅᕕᕐᕕᒃ ᒪᑐᐃᖅᑐᖅ ᐊᑕᐅᓯᕐᒧᑦ ᐅᓪᓗᕐᒧᑦ ᐆᑦᑐᕋᕐᓂᐊᖅᓱᑎᑦ. ᓂᐅᕕᖅᑎᑦᑎᔪᒍᑦ ᐅᖓᑖᓃᑦᑐᓂᒃ $1600−ᕌᖅᑐᓂᒃ ᕿᓚᒥᑯᓗᒃ ᐃᑲᕐᕋᓂᒃ (ᖃᐅᔨᒪᑎᑦᑎᒋᐊᕈᑎ: ᑮᓇᐅᔭᓪᓚᑦᑖᕐᓂᒃ ᐱᓇᑕ, ᑮᓇᐅᔭᖅᑕᖃᖅᐸᙱᒻᒪᑦ ᓂᐅᕕᕐᕕᒻᒥ ᖃᖓᓕᒫᒃᑯᑦ)

• ᔮᓐᓄᐊᕆ 2025: ᓴᖅᑭᑎᑦᑎᒋᐊᙵᒐᓚᑦᑐᑦ ᕙᐃᔅᕗᒃᑯᑎᒍᑦ, ᓴᖅᑭᖅᑎᑦᑕᕗᑦ ᑕᑯᔭᒥᓂᐅᓪᓗᓂ 35,000-ᓄᑦ ᐃᓄᖕᓄᑦ!

• ᕖᕝᕗᐊᕆ 2025: ᒪᑐᐃᖅᑕᐅᔪᖅ ᓯᕗᓪᓕᖅᐹᕐᒥᒃ ᕿᓐᓂᕐᕕᒃ ᐃᓄᐃᑦ ᓂᕿᖏᓐᓂᒃ ᓂᐅᕕᕐᕕᒃ, ᓄᓇᕗᑦ ᒪᓕᒐᓕᐅᖅᑎᕐᔪᐊᖓᑦ ᓗᐊᕆ ᐃᓪᓚᐅᖅ, ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐹᓪ ᐃᕐᖓᐅᑦ, ᐊᒻᒪᓗ ᐃᖃᓗᐃᑦ ᒪᓕᒐᓕᐅᖅᑎᖓ ᔮᓇᑦ ᐳᕉᔅᑐ ᐊᒻᒪᓗ ᔪᐊᔾ ᕼᐃᒃᔅ ᐃᑲᔪᕆᐊᖅᑐᑦ ᓇᓪᓕᐅᓐᓂᖅᓯᐅᖅᑐᑕ.

ᕿᓐᓂᕐᕕᒃ ᐱᒋᐊᖅᑎᓐᓇᓱᐊᖅᓱᒍ ᐊᓯᕙᖅᑏᑦ ᑐᑦᑕᕐᕕᐅᑎᓐᓂᐊᕐᓗᒋᑦ ᓄᓇᕗᒻᒥ ᓴᓇᔭᐅᓯᒪᔪᒧᑦ−ᐃᓄᖕᓄᑦ−ᓯᕗᒃᑲᖅᑖᖑᔪᖅ ᓄᓇᓕᓐᓂ ᓂᕿᓕᕆᓂᕐᒧᑦ ᐱᕙᓪᓕᐊᑎᑦᑎᓕᓚᐅᖅᑐᑦ. ᐱᒋᐊᖅᑐᒥᓂᐅᓪᓗᑎᑦ ᐃᓄᐃᑦ ᓂᕿᖏᑦ ᓂᕿᑦᓯᐊᕙᐅᓛᖑᒻᒪᑕ ᐅᑉᐱᕆᔭᖃᒻᒪᕆᑦᑐᑎᑦ ᑭᓯᐊᓂᓕ ᐃᓄᐃᑦ ᐃᒻᒪᕆᒋᔭᖏᑦ, ᓄᓇᓖᑦ ᐊᒻᒪᓗ ᑭᓇᐅᓂᖏᖕᓅᖓᓪᓗᑎᑦ. ᑕᐃᒫᒃ ᐃᓕᑉᐹᓪᓕᖃᑎᒌᓲᖑᕗᒍᑦ, ᑲᑎᑦᓱᑕ, ᐊᒻᒪᓗ ᑲᑐᔾᔨᓪᓗᑕ ᐊᑐᖃᑦᑕᕐᓂᑯᒥᓂᑦᑎᓐᓂᒃ.

ᑭᒃᑯᓕᒫᑦ ᖃᐅᔨᒪᕗᑦ ᓄᓇᕗᑦ ᓂᕿᓂᒃ ᐊᔪᖅᓴᓛᖑᓲᖑᖕᒪᑦ ᑲᓇᑕᒥ − ᐊᕝᕙᖏᑕ ᐊᕝᕙᒃᑲᓐᓂᖏᑦ ᓄᓇᕗᒻᒥᐅᑦ ᐃᓄᐃᑦ ᓂᕿᖃᑦᓯᐊᖅᐸᙱᓚᑦ, ᐊᕝᕙᐸᓗᖏᑦ ᐊᒃᓱᒻᒪᕆᐊᓗᒃ ᓂᕿᖃᑦᑎᐊᓲᖑᙱᑦᑐᑎᑦ. ᐃᓄᐃᑦ ᑕᐱᕇᑦ ᑲᓇᑕᒥ ᐅᖃᖅᓯᒪᕗᑦ ᑕᒪᓐᓇ ᐊᑯᓂᐅᓛᖅ ᐋᓐᓂᐊᖅᑐᓕᕆᓂᕐᒧᑦ ᑭᒃᑯᑐᐃᓐᓇᕐᓄᑦ ᑐᐊᕕᕐᓇᖅᑑᑕᐅᓕᕐᒪᑦ ᑲᓇᑕᑉ ᐊᑐᕆᐅᑦᑎᐊᖅᑐᓂᐅᒃ. ᓄᓇᕗᒻᒥ ᐃᓄᐃᑦ ᑎᑎᕋᖅᑕᐅᓯᒪᓪᓗᓂ ᑕᒪᓐᓇ ᓂᕿᖃᑦᓯᐊᙱᓛᖑᓯᒪᕗᖅ ᓇᒥᓕᒫᖅ ᓄᓇᖃᖅᑳᖅᑐᑦ ᐊᒥᓲᓂᖏᓐᓂᒃ ᐱᕙᓪᓕᐊᓂᖃᐅᒻᒪᕆᒃᑲᓗᐊᖅᑐᓂ ᓄᓇᓕᕐᔪᐊᖓ.

ᑭᙴᒪᒋᔭᐅᓲᑦ ᑕᒪᒃᑯᐊ ᖃᔪᖅᑐᕐᕕᑉ ᑲᒪᒋᓲᖓ ᐊᖏᔪᐊᓘᕗᖅ: ᐱᔨᑦᑎᓲᖑᕗᒍᑦ ᐅᖓᑖᓃᑦᑐᓂᑦ 60,000 ᖃᐅᑕᒫᑦ ᓂᕆᔭᐅᓂᐊᖅᑐᓂᒃ ᐊᕐᕌᒍᒧᑦ ᓄᓇᓕᑦᑎᓐᓄᑦ ᑐᖔᓃᑦᑐᑎᑦ 8,000 ᐃᓄᐃᑦ. ᑭᓯᐊᓂᓕ ᕿᓐᓂᕐᕕᒃ ᐅᖓᑕᐅᔨᓪᓗᑎᑦ ᐱᓕᕆᐊᖃᓲᑦ ᓂᕿᖃᑦᓯᐊᑎᓐᓂᕐᒥᒃ ᑲᒪᓪᓗᑎᑦ ᓂᕿᓕᕆᔪᓐᓇᖅᓯᑎᑦᑎᓪᓗᑎᑦ ᐊᒻᒪᓗ ᐃᓄᐃᑦ ᑲᙳᓇᖅᑐᒃᑰᖅᑎᑕᐅᑦᑕᐃᓕᑎᓪᓗᑎᑦ. ᓂᐅᕕᐊᕿᔭᐅᓲᖑᓪᓗᑎᑦ ᐃᓄᐃᑦ ᓂᕿᖏᑦ ᐃᓄᖕᓄᑦ ᐊᖑᔭᒥᓃᑦ ᐃᓄᐃᑦ ᓄᓇᖏᓐᓂ. ᑕᒪᓐᓇ ᓴᙱᓂᕆᕚ ᓂᕿᑉ.

ᓯᕗᓪᓕᖅᐹᑦᑎᐊᕐᒥ, ᐱᓕᕆᐊᒃᓴᕆᔭᐅᔪᖅ ᓄᓇᕗᒻᒥ − ᐃᖅᑲᓇᐃᔭᖃᑎᒋᓲᕗᑦ ᑲᓱᖅᑎᑕᐅᓪᓗᑕ ᐊᓯᕙᖅᑎᑦᑎᓐᓄᑦ. ᑕᐃᒃᑯᐊ ᑲᓱᖅᑎᑕᐅᓪᓗᑕ ᐊᓯᕙᖅᑎᓄᑦ. ᑕᐃᒃᑯᐊᖑᕗᑦ ᐱᓕᕆᖃᑎᖃᖅᑎᑦᑎᔪᑦ ᐊᒥᓱᓂᒃ ᐊᓯᕙᖅᑎᓂᒃ ᓄᓇᕗᒻᒥ. ᑖᓐᓇ ᓯᕗᓪᓕᖅᐹᑦᓯᐊᖑᕗᖅ ᖃᓄᐃᓕᐅᕈᑕᐅᔭᕆᐊᓕᒃ ᐋᖅᑭᒃᑕᐅᒃᑲᓐᓂᖁᓪᓗᒍ ᓄᓇᓕᓐᓂ,ᓄᓇᕗᒻᒥ ᓴᓇᔭᐅᓯᒪᔪᖅ, ᐃᓄᖕᓄᑦ−ᓯᕗᒃᑲᖅᑖᖑᔪᖅ ᓂᕿᓕᕆᓂᕐᒧᑦ ᐱᕙᓪᓕᐊᓂᖅ. ᐱᒻᒪᕆᐊᓘᓂᖓᓂᒃ ᐅᖃᐃᓐᓇᕈᓐᓇᖅᑐᒍᑦ ᐃᖅᑲᓇᐃᔮᕆᔭᐅᕙᑦᑐᖅ ᐊᒻᒪᓗ ᐱᕐᔪᐊᕌᓗᒻᒥᒃ ᐱᓕᕆᐊᒃᓴᕆᔭᖅ ᓄᓇᕗᑦ ᐃᑲᔪᓲᖑᓂᖏᑦ ᕿᓐᓂᕐᕕᒃᑯᓐᓄᑦ ᐊᒻᒪᓗ ᑕᒪᐃᓐᓂ ᓄᓇᕗᒻᒧᑦ.

ᐊᒻᒪᓗ ᐱᓗᐊᕐᒥᓗᒋᓪᓗ ᑮᓇᐅᔭᖃᖅᑎᑦᑎᔨᕗᑦ! ᖃᔪᖅᑐᕐᕕᒃ ᐊᒥᓱᒻᒪᕆᓐᓂᒃ ᑮᓇᐅᔭᖅᑖᓚᐅᖅᓯᒪᔪᑦ ᓯᑎ ᑐᙵᕕᖏᑦ ᐊᒻᒪᓗ ᑲᓇᑕᒥ ᐅᑭᐅᖅᑕᖅᑐᓕᕆᔨᒃᑯᑦ. ᑭᓯᐊᓂᓕ, ᐊᒥᓱᓄᑦ ᓄᓇᓕᒻᒥᐅᑦ ᐃᓱᒪᒋᔭᖃᕐᓂᖏᑦ ᑮᓇᐅᔭᖃᖅᑎᑦᑎᔪᑦ ᐱᓕᕆᐊᕐᒧᑦ ᐱᓗᐊᖅᑐᒍ ᕿᓐᓂᕐᕕᒻᒧᑦ ᓴᖅᑮᑎᑦᑎᓲᑦ. ᖁᔭᓕᒻᒪᕆᒃᑲᑦᑕᐃᓛᒃ ᑲᓇᑕᒥ ᒐᕙᒪᒃᑯᑦ ᓄᓇᓕᓐᓂ ᐱᔨᑦᑎᕋᖅᑕᐅᓂᖏᖕᓄᑦ ᓇᖅᑮᖁᓪᓗᒋᑦ ᑮᓇᐅᔭᖃᕐᕕᖓᓂᒃ, ᑲᓇᑕᒥ ᑎᓕᖕ ᑐᙵᕕᖓ ᐊᒻᒪᓗ ᓄᓇᕗᑦ ᒐᕙᒪᖏᑦ ᐃᓕᖅᑯᓯᓕᕆᔨᒃᑯᓐᓂ.

ᐃᖅᑲᓇᐃᔭᖅᑏᑦ ᓯᕗᓕᖅᑎᐅᔪᓪᓗ ᑮᓇᐅᔭᖃᖅᑎᑦᑎᓲᑦ ᐅᕙᑦᑎᓐᓂ ᑲᑐᔾᔨᖃᑎᒌᑦ ᖃᐅᔨᒪᓪᓗᑎᑦ ᖃᒧᑦ ᑐ.ᕝᖃᑦᑕᕐᓂᖏᓐᓂᒃ ᖃᓄᑎᒋᒻᒪᕆᓪᓗ ᓂᕿᖃᑦᑎᐊᙱᓗᐊᖅᑐᐊᓘᕙᒃᑲᑦᑕ ᓄᓇᕗᒻᒥ. ᖃᐅᔨᒪᔪᑦ ᐱᕐᔪᐊᕌᓘᓂᖏᓐᓂᒃ ᐃᓄᐃᑦ ᓂᕿᖏᑦ ᑐᑭᖃᕐᓂᖏᓐᓂᒃ ᐃᓄᖕᓄᑦ. ᐃᑲᔪᖅᑐᐃᓂᖃᕐᔪᐊᖅᓯᒪᓪᓗᑎᑦ ᖃᔪᖅᑐᕐᕕᑉ ᐊᔭᐅᕆᓂᖓᓂᒃ ᐃᓄᐃᑦ ᓂᕿᖏᖕᓂᒃ ᓂᐅᕕᕐᕕᖃᕆᐊᒃᓴᖅ.