ᐊᕐᕙᒐᓱᐊᕐᓂᖅ ᐃᖃᓗᖕᓄᑦ ᐅᑎᓚᐅᖅᑐᖅ ᑕᒡᕙᓂ ᐊᕌᒍ. ᓄᓇᖃᖄᖅᓯᒪᔪᑦ ᑕᕆᔭᐅᑎᑯᑦ ᑲᓇᑕᒥ
ᐱᕙᓪᓕᐊᔪᓕᕆᔨᖏᑦ (APTN) ᑕᑭᔪᒥᒃ ᑕᑯᓈᒐᒃᓴᓕᐅᓚᐅᖅᑐᑦ ᐊᖑᓇᓱᖕᓂᐅᓚᐅᖅᑐᒥᒃ, ᐊᒻᒪᓗ ᖃᓄᖅ
ᑐᑭᖃᓚᐅᕐᒪᖔᑦ ᓄᓇᓕᖕᒧᑦ. ᐊᐱᖅᓱᓚᐅᖅᑐᑦ ᐊᐅᓚᑦᓯᔨᒋᔭᑉᑎᖕᓂᒃ, ᔫᓯᐱ ᒧᕐᑕᒃ−ᐸᓚᐅᕗᕐ
ᑎᑎᕋᒐᐅᔪᒧᑦ, ᖃᔪᖅᑐᕐᕕᐅᑉᓗ ᑐᓂᐅᖃᐃᓂᕆᓚᐅᖅᑕᖓᓂᒃ ᐊᕐᕕᕐᒥᒃ ᓄᓇᓕᖕᒧᑦ.
“ᓄᓇᓕᖕᒥᐅᑕᐅᓂᕐᒥᒃ ᐊᒻᒪᓗ ᖁᕕᐊᓱᖕᓂᖅ ᐱᒃᑯᖑᓱᖕᓂᖅ ᐃᒃᐱᖕᓇᑦᓯᐊᓚᐅᖅᑐᖅ ᑕᐃᑲᓂ,” ᔫᓯᐱ
ᐅᖃᓚᐅᖅᑐᖅ ᓄᓇᖃᖄᖅᓯᒪᔪᑦ ᑕᕆᔭᐅᓯᐅᖅᑎᖏᓐᓄᑦ. “ᐱᐅᑦᓯᐊᓚᐅᖅᑐᖅ ᑕᑯᑉᓗᒋᑦ ᐃᓄᐃᑦ
ᖁᕕᐊᓱᖕᓂᖏᑦ ᒪᒃᑖᕐᓂᒃ ᑐᓂᔭᐅᒐᒥᒃ, ᐊᒻᒪᓗ ᓴᕆᒪᓲᑎᖃᖅᖢᑎᒃ ᐊᖑᓇᓱᒃᑎᓂᒃ.”
“ᐃᒃᐱᖕᓇᕐᓂᖃᓚᐅᖅᑐᖅ ᐊᑕᐅᓯᐅᖃᑎᒌᖕᓂᕐᒥᒃ, ᑐᓚᒃᑕᕐᕕᐅᑉ ᖃᓂᒋᔭᖓᓂ ᒪᒃᑖᖅᓯᐅᖅᑎᓪᓗᒋᑦ, ᐊᒻᒪᓗ
ᐊᒥᖄᕈᑕᐅᑉᓗᓂ ᓂᕿᑖᕐᕕᖕᒥ. ᓄᓇᖃᑎᒌᖕᓂᖅ ᐱᐅᒪᕆᓚᐅᖅᑐᖅ, ᐊᒻᒪᓗ ᖁᕕᐊᓱᒻᒪᕆᒃᐳᒍᑦ
ᑐᓂᓯᔪᖕᓇᕋᑉᑕ ᓄᓇᓕᖕᒧᑦ.
ᑖᒻᓇ ᐅᖃᓯᒫᒐᖅ ᑕᑭᔪᒥᒃ ᐅᓂᑉᑳᕐᓂᖃᖅᑐᑦ ᐱᕙᓪᓕᐊᓂᖓᓂᒃ ᐊᖑᓇᓱᒃᑎᑦ, ᑕᑯᔭᐅᔭᕆᐊᖃᖅᑐᑦ!
(ᐊᔨᑦ ᑐᓂᔭᐅᔪᑦ APTN−ᑯᓐᓄᑦ)
