ᐊᖓᔪᖅᑳᑉ ᑎᑎᖅᑲᖓ, 2025/26 ᐊᕐᕌᒍᑕᒫᑦ ᐅᓂᒃᑳᓕᐊᖅ:
ᐊᔪᕈᑎᖃᓚᐅᖅᐳᖓ ᑖᑉᓱᒥᖓ ᑎᑎᖃᒥ ᐱᓇᓱᐊᕈᓯᕐᓄᑦ ᐊᒥᓱᓐᓄᑦ.
ᐃᒪᓐᓇᐅᒐᔪᖕᒪᑦ, ᑲᑎᒪᔨᑦ ᐊᖓᔪᖄᖓᑕ ᐊᕌᒍᑕᒫᖅᓯᐅᑦ ᑎᑎᖃᖓ, ᓇᓪᓗᓇᖏᑐᖅ, ᐊᔪᕐᓇᓗᐊᖏᒻᒪᑦ ᑎᑎᕋᕐᕆᐊᒃᓴᖅ: ᐊᔪᙱᓐᓂᕋᐃᓪᓗᓂ ᐃᖃᓇᐃᔭᖅᑎᓐᓂᒃ ᐊᒻᒪ ᐊᑭᓕᖅᑐᖅᑕᐅᓇᑎᒃ ᐃᑲᔪᖅᐸᒃᑐᓂᒃ, ᖁᔭᒋᓪᓗᒋᑦ ᐃᑲᔪᖅᑐᐃᕙᒃᑐᑦ ᐊᒻᒪᓗ ᑐᓂᓯᕙᒃᑐᑦ, ᓇᐃᓪᓕᒋᐊᖅᓯᒪᔪᑦ ᐃᓚᖏᑦ ᐱᓪᓕᕆᐊᖑᕐᔪᐊᓚᐅᖅᑐᑦ ᐅᑭᐅᒥ, ᐊᒻᒪᓗ ᓇᓪᓗᓇᐃᔭᕐᓗᒋᒃ ᐃᓱᒪᓕᐊᖑᓯᒪᔪᒃ ᓯᕗᓂᕐᒧᑦ. ᑎᑎᖃᖅ ᐅᖃᐅᓯᖃᑐᐃᓐᓂᓇᕆᐊᓕᒃ ᐊᔪᕈᑕᐅᕙᒃᑐᓂᒃ ᐊᒻᒪᓗ ᓇᓪᓗᓇᖅᑐᓂᒃ ᖃᓄᐃᓂᐊᕐᒪᖔᑖ, ᑭᓯᐊᓂ ᐊᑕᖏᕐᓗᒍ ᖃᓐᓄᐃᓐᓂᖓ ᐱᐅᔪᖅ ᐊᒻᒪᓗ ᖁᕝᕙᖅᐹᓪᓕᕐᓇᖅᖢᓂ.
ᐃᖃᓇᐃᔭᖅᑎᕗᑦ ᐱᓕᕆᑦᓯᐊᖏᓐᓇᐳᑦ, ᐱᕝᕚᓕᖅᓯᒪᕗᒍᑦ ᐊᔨᐅᖏᑦᑐᓂᒃ ᐊᕌᒍᒥ, ᓂᕆᐅᑦᓯᐊᖅᐳᒍᓪᓗ ᐊᑐᒐᐅᓂᐊᖅᑐᓂᒃ ᓯᕗᓂᕐᒥ, ᐊᒻᒪᓗ ᐃᑲᔪᖅᑎᒋᔭᕗᒃ ᐊᒻᒪ ᑐᓂᓯᕙᒃᑐᑦ ᑕᒪᑐᒥᖓ ᐊᔪᕐᓇᕉᖕᓃᖅᑎᑦᓯᖕᒪᑕ, ᐊᒻᒪᓗ ᖁᔭᓕᔪᑎᒋᓪᓚᕆᒃᐸᒃᑲ. ᑕᒪᑯᐊᓕᒫᑦ ᐊᔪᕐᓇᖏᑐᑰᖅᐳᑦ.
ᑕᒻᒪᓐᓇ ᐱᐅᔫᕗᖅ ᐊᒻᒪᓗ ᖁᕙᖅᐹᓕᕐᓇᖅᓗᓂ ᐊᔪᓕᕈᑎᒋᓯᒪᔭᕋ ᑕᒡᕙᓂ ᐊᕌᒍᒥ.
ᐱᑕᖃᖅᐳᖅ, ᓲᖃᐃᒻᒪ, ᐊᒥᓱᓂᒃ ᐱᐅᔪᓂᒃ ᐃᒃᐱᒋᔭᐅᔪᓐᓂᑦ. ᓯᕗᓪᓕᐅᒐᔪᒃᑐᖅ ᐱᓕᕆᕕᐅᑉ ᖃᐅᑕᒫᑦ ᓂᕆᑎᑦᓯᕙᒃᑐᑦ ᐱᓕᕆᔨᑦ, ᐱᓕᕆᐊᖃᕆᐊᑲᓐᓂᖅᑐᑦ ᐊᔪᖅᓴᕈᑕᐅᖃᑖᖅᑐᒥᒃ, ᐊᒻᒪᓗ ᐊᖏᓕᕙᓕᐊᖏᓇᖅᓗᓂ ᓂᕿᖃᖅᓯᐊᖏᓐᓂᒃ ᐃᖃᓗᖏᓂ. ᑕᑯᑎᑦᓯᓚᐅᕐᒪᑕ ᓇᕐᖓᕐᓇᑐᓂᑦ ᖃᓄᖅᑑᕈᖕᓇᕐᓂᕐᒥᒃ ᐊᒻᒪᓗ ᑐᓂᓯᒪᑉᓗᑎᒃ ᓱᖏᐅᑎᑎᑦᓯᑉᓗᑎᒃ ᐊᑐᕆᐊᓕᖕᒥᒃ ᐊᔪᕐᓇᖅᑐᒥᒃ ᓄᓇᓕᐅᑉ ᐱᔪᒪᔭᖏᓐᓂᒃ ᐊᖏᒡᓕᕙᓪᓕᐊᔪᓂᒃ ᐅᑉᓗ ᑕᒫᑦ.
ᐊᓯᖏᑦ ᐱᓕᕆᐊᖑᔪᑦ ᖁᕕᐊᓲᑎᒋᔭᒃᓴᐅᕗᑦ. ᐃᓄᐃᑦ ᐊᕐᓇᐃᑦ ᑲᑎᒪᔪᑦ ᐊᒥᓱᖑᖅᐸᓪᓕᐊᖏᓐᓇᖅᐳᑦ ᓂᕿᓂᒃ ᐊᒥᖃᖃᑎᖃᖅᑐᑦ, ᓴᓇᕈᓘᔭᖅᑐᑦ, ᐊᒻᒪᓗ ᐅᓂᑉᑳᖅᑐᐊᖅᐸᒃᖢᑎ. ᐃᓅᖃᑎᒌᖕᓂᑯᑦ ᐱᓕᕆᐊᕐᕆᔭᕗᑦ, ᕿᓂᕐᕕᒃ ᓂᕿᑖᕐᕕᒃ, ᐱᐊᓂᓵᖅᑐᖅ ᓯᕗᓪᓕᖅᐸᐅᔪᒥᒃ ᑭᓇᐅᔭᓕᕆᓐᓇᐅᑉ ᐅᑭᐅᖓᓂᒃ, ᑐᓂᓯᑉᓗᓂ ᓄᓇᓕᖕᒥᐅᓐᓄᑦ ᓂᕿᑐᖃᕆᔭᐅᕙᒃᑐᓂᒃ, ᓄᓇᓕᖕᓂ ᓂᕿᑦ . ᐊᖑᓇᓱᒃᑎᓐᓄᑦ ᐃᑲᔫᑎᕗᑦ ᐱᕙᓪᓕᐊᖏᓐᓇᖅᑐᖅ ᐊᓯᖏᓐᓂᒃ ᐊᖑᓇᓱᒃᑎᓐᓂᒃ ᐃᓚᑖᖅᐸᓕᐊᑎᓪᓗᑕ ᓄᓇᕘᓪᓕᒫᒥ. ᑖᑉᑯᐊ ᐱᓕᕆᐊᖑᔪᑦ ᓇᓪᓗᓇᐃᖅᑎᑦᓯᕗᑦ ᐱᓕᕆᓂᑉᑎᖕᓂᒃ ᐱᕚᓕᖅᑎᑦᓯᓂᕐᒥᒃ ᐊᒻᒪᓗ ᐊᑐᓕᖅᑎᑦᓯᓂᕐᒥᒃ ᐃᓐᓄᐃᑦ ᓂᕿᓕᕆᔪᓯᖏᓐᓂᒃ.
ᐱᓕᕆᐊᕆᔭᑉᑕ ᑲᔪᓯᓂᖓᑦ ᐅᔨᕆᔭᐅᓕᖅᐸᓕᐊᓕᖅᖢᓂ ᐱᓕᕆᖃᑎᑉᑎᖕᓄᑦ ᐃᑲᔪᕐᔪᐊᖅᓯᒪᔪᓄᑦ ᑲᓇᑕᒥ, ᐅᓇᑎᑐᑦ ᕼᐊᑭ ᐃᑲᔪᖅᐸᒃᑐᖅ ᐊᖏᕋᖃᖏᑦᑐᓂᒃ, ᑭᓇᐅᔭᓂᒃ ᐱᖁᖅᓴᐃᓇᐅᖅᑐᖅ ᐊᕌᒍᒥ ᑕᒡᕙᓂ, ᑲᑎᑦᑎᑉᓗᑎᒃ $250,000−ᓂᒃ ᑲᑐᔭᕆᔭᐅᔪᒥᒃ QCFC−ᑯᓪᓗ ᐊᒻᒪ ᐊᓇᐅᒪ ᓄᓇᓕᖕᒥ ᑐᖓᕕᖓᓐᓄᑦ.
ᑭᓯᐊᓂ, ᖀᒃᓵᕐᓇᑐᖃᓚᐅᕐᒥᔪᖅ. ᐱᓕᕆᔨᕗᑦ ᐊᒃᓱᕈᕈᑎᖃᓚᐅᖅᐳᑦ ᑕᒡᕙᓂ ᐊᕌᒍᒥ ᐃᑲᔨᒋᔭᑉᑕ ᐃᓱᒪᑕᖓᑦ, ᑲᕐᓗᔅ ᕚᐃᓐ, ᐃᓅᔪᖕᓃᑳᓚᓚᐅᕐᒪᑦ. ᐊᒥᓱᑦ ᓄᓇᓕᖕᒥᐅᑦ ᐅᐸᓚᐅᖅᐳᑦ ᐃᖃᓗᐃᑦ ᐅᓇᑕᖅᑐᒃᓴᖑᐃᑦ ᐃᒡᓗᖁᑎᖓᓂᒃ ᐃᑲᐅᒪᔭᖅᑐᖅᖢᑎᒃ ᐊᒻᒪᓗ ᖁᕕᐊᓲᑎᒋᑉᓗᒋᓗ ᐱᓕᕆᐊᕆᕙᓚᐅᖅᑕᖏᑦ ᑐᓂᓯᑉᓗᓂ ᖁᕕᐊᓇᕐᓂᕐᒥᒃ ᐊᒥᓱᓐᓄᑦ, ᐃᓪᓗᐊᓂ ᐊᒻᒪᓗ ᓯᓚᑖᓂᒃ ᖃᔪᖅᑐᕐᕕᐅᑉ. ᒡᑲᓗᔅ ᐊᓂᕐᓂᖓ ᑲᔪᓯᓂᐊᖅᐳᖅ ᑲᑎᕕᖕᒥ, ᐊᒻᒪᓗ ᐃᓱᒪᒋᑦᓯᐊᖅᐸᕗᑦ ᐃᓚᖏᑦ.
ᖀᒃᓵᕐᓇᑐᖃᓚᐅᕐᒥᔪᖅ ᓄᓇᓕᒋᔭᑉᑎᖕᓂ. ᐅᖃᓕᒫᕐᓂᐊᖅᑐᑎᑦ ᑕᒡᕙᓂ ᐱᓐᓂᑯᓂᒃ ᐅᓂᑉᑳᓂ, ᖃᖏᖅᑎᑦᓯᑲᓐᓂᓚᐅᖅᐳᒍᑦ ᖃᐅᑕᒡᒪᑦ ᓂᕆᓂᕆᕙᒃᑕᑉᑕᑕ ᐊᒥᓱᖑᕆᐊᓂᖓᓂᒃ ᐊᕌᒍᒥ ᖄᖏᖅᑐᒥᒃ, ᓂᕆᑎᑦᓯᑉᓗᑕ 85,000−ᓂᒃ 2025–26 ᐅᑭᐅᖓᓂ. ᓴᕆᒪᓱᒃᐳᖓ ᐱᓕᕆᖃᑎᒌᑦ ᓴᕿᑎᑦᓯᓚᐅᕐᒪᑕ ᐊᒥᓱᓂᒃ ᓂᕿᑦᓯᐊᓂᒃ, ᒪᒪᖅᑐᓂᒃ, ᐊᒻᒪᓗ ᖁᕕᐊᓱᒃᖢᖓ ᐃᓚᐅᓚᐅᕋᒪ ᒥᑭᔫᒐᓪᓗᐊᒥᒃ ᐱᓕᕆᐊᖑᔪᒥ. ᑭᓯᐊᓂ ᕿᒃᓵᖅᐳᖓ ᑕᐃᒪᐃᑦᑐᒥᒃ ᐃᓅᓪᓗᕕᖕᓄᑦ ᐱᓕᕆᐊᖑᓂᓗᒃᑐᒥᒃ ᐱᑕᖃᕆᐊᖃᕐᒪᑦ ᓱᓕ.
ᑕᐅᑐᖑᐊᖅᑕᕋ ᓯᕗᓂᕐᒥ ᖃᔪᖅᑐᕐᕕᒃ ᐱᐅᔪᒥᒃ ᐊᒻᒪᓗ ᓴᕆᒪᓱᖕᓂᕐᓗ ᓵᓚᒃᓴᕐᓂᐊᕐᒪᓂᒃ ᕿᒃᓵᕐᓇᖅᑐᒥᒃ. ᓂᕆᐅᒃᐳᖓ ᐊᑯᓂᐅᖏᑦᑐᖅ ᑐᐊᕕᕐᓇᑐᓂᒃ ᓂᕆᑎᑦᓯᔭᕆᐊᖃᕐᓂᖅ ᒥᑭᒡᓕᓂᐊᕐᒪᑦ, ᖃᔪᖅᑐᕐᕕᐅᑉ ᓯᕗᓕᖅᑎᖏᑦ ᐱᓕᕆᔨᖏᓪᓗ ᐃᓱᒪᒋᔭᖃᓕᖁᑉᓗᒋᑦ ᓄᓇᓕᖕᒥ ᐱᕙᓪᓕᐊᑎᑦᓯᓂᕐᒥᒃ, ᓂᕿᖃᑦᓯᐊᕐᓂᕐᒥᒃ, ᐊᒻᒪᓗ ᐃᑲᔪᕐᓗᑎᒃ ᐅᑎᖅᑎᑦᓯᓂᕐᒥᒃ ᓂᕿᖃᑦᓯᐊᕐᓂᕐᒥᒃ ᓄᓇᕗᒥ. ᓂᕆᐅᒃᐳᖓ ᓄᑖᒥᒃ ᐊᖏᓂᖅᓴᒥᒃ ᐃᒡᓗᒥᒃ ᑲᑎᕕᐅᔪᖕᓇᖅᑐᒥᒃ ᐱᔭᕆᐊᖃᕋᒥᐅᖏᑦᑐᖅ, ᑭᓯᐊᓂᓕ ᐱᔪᒪᒐᒥᒃ ᐊᒻᒪᓗ ᐅᒃᐱᕆᔭᖃᖅᐳᖓ ᑕᒪᓇ ᖃᐃᖕᒪᑦ, ᐅᖓᓯᒃᑑᔭᕋᓗᐊᖅᑎᓪᓗᒍ ᒫᓐᓇ.
ᓲᖃᐃᒻᒪ, ᐃᓐᓄᑑᓪᓗᑕ ᑕᐃᑯᖓᕐᓂᖅ ᐊᔪᖅᑐᒍᑦ. ᑎᑭᓐᓇᓱᒡᓗᒍ ᐊᒃᓱᕈᕐᓇᕐᓂᐅᔪᖅ ᑕᒪᑐᒪ ᐱᓕᕆᐊᖑᓚᕆᒋᐊᖃᖅᑐᖅ ᐱᓕᕆᖃᑎᒌᖕᓂᑯᑦ ᐅᒃᐱᕆᔭᖃᖃᑕᐅᔪᑦ ᓂᕿᖃᑦᓯᐊᕐᓂᕐᒥ ᐃᓄᐃᑦ ᐱᔪᖕᓇᐅᑎᒋᖕᒪᔪᒃ. ᐱᔪᖕᓇᐅᑎᖃᕐᓂᖅ ᓂᕿᓂᒃ, ᑲᓇᑎᓕᒫᒥ ᐱᓕᕆᖃᑎᕗᑦ, ᐊᑐᐊᒐᒃᓴᑉᑎᖕᓂᒃ ᓯᕗᓕᕐᒪᑕ ᑐᖓᕕᐅᓂᐊᖅᑐᓂᒃ ᑕᒪᐃᓐᓄᑦ ᐱᓕᕆᐊᕆᔭᑉᑎᖕᓄᑦ ᐊᒻᒪᓗ ᑭᓇᑐᐃᓐᓇᖅ ᐃᑎᖅᑕᖁᑉᓗᒍ ᐃᓱᒪᒋᔭᐅᑦᓯᐊᕐᓗᓂ ᐅᐱᒋᔭᐅᓪᓗᓂᓪᓗ. ᐃᑲᔪᕐᓂᖓᒃ ᑭᓇᐅᔭᓂᒃ ᑐᓂᓯᕙᒃᑐᑦ ᐃᓕᑕᖅᓯᓯᒪᕗᑦ ᐱᓕᕆᐊᖑᔪᑉ ᐊᑐᐃᓂᖓᓂᒃ, ᑕᑯᑎᑦᓯᑉᓗᓂ ᐊᔪᖏᓐᓂᖓᓂᒃ ᑲᑐᔨᖃᑎᒌᑦ, ᐊᒻᒪᓗ ᐃᓕᑕᖅᓯᑉᓗᓂ ᐊᖏᓂᖓᓂᒃ ᐊᒻᒪᓗ ᐱᓕᕆᐊᕆᔭᐅᔭᕆᐊᖃᕐᓂᖓᓐᓂᒃ ᐱᔭᐅᔭᕆᐊᖃᕐᓂᐅᑉ.
ᐃᑎᖅᐸᓪᓕᐊᑎᓪᓗᑕ 2026–27−ᒧᑦ, ᑕᐅᑐᒃᑕᕗᑦ ᑲᔪᓯᑐᐃᓐᓇᖅᐳᖅ ᓇᓂᓯᕙᓪᓕᐊᓂᕐᒥᒃ ᐊᑐᒐᐅᔪᖕᓇᖅᑐᓂᒃ ᓄᓇᖃᑎᑉᑎᖕᓄᑦ ᐱᓕᕆᔨᕗᑦ ᐊᒥᓱᖑᕆᐊᕐᓗᒋᑦ, ᐃᒐᕕᐅᑉᓗ ᐊᑐᒐᐅᑦᓯᐊᕐᓂᖓᓄᑦ, ᐊᒻᒪᓗ ᐱᓗᐊᕐᓗᒍ, ᐊᖏᓂᖅᓴᒧᑦ ᐃᓂᒃᓴᒧᑦ ᓅᓪᓗᓂ ᐃᓂᒌᓇᕐᓂᐊᓕᒑᓄᑦ.
ᖁᔭᓐᓇᒦᒃ ᑕᐃᑉᑯᐊ ᐃᑲᔪᖅᐸᒃᑐᑦ ᐅᕙᑉᑎᖕᓂ ᒫᓇᒧᑦ ᑎᑭᓪᓗᒍ. ᖁᔭᓐᓇᒦᒃ.
ᔨᐊᓯ ᕼᐊᓕ
ᔨᐊᓯ ᕼᐊᓕ, ᐊᖓᔪᖅᑳᖅ, ᑲᑎᒪᔨᖏᑦ
