ᐊᖓᔪᖅᑳᑉ ᑎᑎᖅᑲᖓ, 2024/24 ᐊᕐᕌᒍᑕᒫᑦ ᐅᓂᒃᑳᓕᐊᖅ (ᑎᑎᕋᖅᑕᒥᓃᑦ ᐅᖃᐅᓯᐅᓪᓗᑎᑦ ᐱᔭᒥᓂᐅᔪᑦ ᐃᓚᖏᑦ):
ᑕᒫᓂ ᐊᕐᕌᒍᑦᑎᓐᓂ ᖃᐅᔨᔪᓐᓇᓚᐅᖅᑐᒍᑦ ᐱᓕᕆᐊᖅᑎᒍᑦ ᐊᑐᐃᓐᓇᐅᒪᑎᑦᑎᒻᒪᕆᓕᕐᓂᖏᓐᓂᒃ ᓂᕿᑖᕈᓐᓇᖅᑎᑦᑎᒃᑲᓐᓂᖅᑐᑕ ᐃᓄᓐᓂᒃ, ᓂᕿᓕᕆᓂᕐᒥᒃ ᐊᔪᕈᓐᓂᖅᓴᐃᑎᑦᑎᓪᓗᑕ, ᐊᒻᒪᓗ ᐃᓕᖅᑯᓯᕐᒥᒃ ᐃᓕᓐᓂᐊᖅᑎᑦᑎᓂᖃᖃᑦᑕᖅᑐᑕ. ᐊᖏᓛᖅ ᐊᒻᒪᓗ ᑲᑉᐱᖓᓱᙱᒻᒪᕆᑦᑐᑕ ᑕᒪᒃᑯᓂᖓ ᒪᑐᐃᖅᓯᓂᕆᓚᐅᖅᑕᕗᑦ ᕿᓐᓂᕐᕕᒃ ᓂᖃᐃᓱᕐᕕᒃ ᐊᒻᒪᓗ ᐊᒥᓱᓂᒃ ᓂᐅᕕᕐᕕᒃᓴᖅ ᓂᐅᕕᕐᕕᕗᑦ. ᑕᒪᓐᓇ ᐱᓕᕆᐊᖅ ᐊᒥᓱᓄᑦ ᐊᕐᕌᒍᓄᑦ ᐱᓇᓱᐊᒐᕆᔭᐅᖏᓐᓇᕐᓂᖓᓄᑦ ᓴᖅᑭᕈᓐᓇᖅᓯᒪᕗᖅ, ᑮᓇᐅᔭᖃᖅᑎᑕᐅᓂᑦᑎᓐᓄᑦ ᐃᖃᓗᓐᓂ, ᑲᓇᑕᒥ, ᐊᒻᒪᓗ ᓄᓇᕐᔪᐊᕐᒦᙶᖅᑐᖅ ᓇᒥᕈᓘᔭᖅ ᑮᓇᐅᔭᖃᖅᑎᑦᑎᔨᕗᑦ. ᓴᖅᑭᖅᓯᒪᓪᓗᓂ ᐅᓇ: ᐃᖃᓗᐃᑦ ᐱᖅᑯᓯᑐᖃᖏᑎᒍᑦ ᓂᕿᖃᕈᓐᓇᖅᓯᔪᖅ ᓂᕿᑦᑎᐊᕙᓂᒃ ᐃᓄᓕᖅᑕᓂᒃ ᒪᓕᑦᑐᒋᑦ ᖃᑦᑎᕌᖅᑎᑕᐅᓂᖏᑦ ᐊᑭᓖᖃᑦᑕᕈᑕᐅᔪᓐᓇᖅᑐᑦ ᐋᖅᑭᒃᓱᖅᓯᒪᓂᖏᑦ.
ᐊᓯᖏᓐᓂᓗ ᓄᑖᕐᓂᒃ ᐱᓕᕆᐊᖃᕈᓐᓇᖅᑎᑦᑎᓯᒪᕗᒍᑦ ᑕᒫᓂ ᐊᕐᕋᒍᒥ, ᐱᖃᓯᐅᑎᓪᓗᒍ ᑕᖅᑭᑕᒫᑦ ᓂᖅᑎᐅᖅᑏᑦ ᓂᖅᑎᐅᖃᑦᑕᖅᑐᑎᑦ ᐅᓐᓄᒥ ᑕᑯᒃᓴᐅᑎᑦᑎᔪᑦ ᐃᖃᓗᒻᒥᐅᑦ ᓂᖅᑎᐅᑎᑦᑎᐊᕚᓗᖏᓐᓂ; ᐃᖅᑲᓇᐃᔭᖃᑎᒋᔭᐅᓪᓗᑎᑦ ᐊᓯᕙᖅᑏᑦ ᓄᓇᕗᓕᒫᕐᒥ, ᓄᓇᕗᒻᒥ ᐃᓪᓕᑦ ᐃᓅᓯᕆᖃᑦᑕᖅᓯᒪᔭᖏᑦ ᑲᑐᔾᔨᖃᑎᒌᖏᑦ, ᓄᓇᓕᕐᔪᐊᕐᒥ ᓯᓚᑦᑐᖅᓴᕐᕕᕐᔪᐊᕐᒥ ᐱᓕᕆᔨᒻᒪᕆᐅᓯᒪᔪᑦ, ᐃᖃᓗᐃᑦ ᓄᓇᓕᐸᐅᔭᖓ, ᐊᒻᒪᓗ ᐊᓕᐊᓇᐃᑦ ᑕᐅᑐᕋᓐᓈᖅᑎᑦᓯᔨᖏᑦ ᓇᓪᓕᐅᓐᓂᖅᓯᐅᑎᑦᑎᔩᑦ; ᐊᒻᒪᓗ ᐊᑕᐅᓯᐊᖑᒐᓗᐊᖅ ᖃᓄᐃᓕᐅᖅᑎᑦᑎᓂᖃᖃᑦᑕᖅᑐᑦ ᓲᕐᓗᒃ ᓴᓇᙳᐊᒐᐃᑦ ᐋᖅᑭᒃᑕᐅᓯᒪᓂᖏᑦ ᑕᑯᒃᓴᐅᑎᑦᑎᔪᑦ ᐃᓄᓕᖅᑕᓂᒃ ᐊᒻᒪᓗ ᑕᑯᒃᓴᐅᑎᑦᑎᓪᓗᑎᑦ ᐱᓚᒃᑐᐃᓂᕐᒥᒃ ᓇᑦᑎᕐᒥ.
ᖃᔪᖅᑐᕐᕕᒃ ᑐᙵᓱᐊᑎᑦᑎᖃᑦᑕᐃᓐᓇᐅᔭᖅᑐᑦ ᑕᒪᐃᓐᓂ ᓄᓇᓕᒻᒥᐅᑕᐅᔪᓂᑦ, ᐱᖃᓯᐅᑎᓪᓗᒋᑦ, ᐅᐱᓐᓇᕋᓂ, ᖃᐅᑕᒫᑦ ᓄᓇᓕᒻᒥ ᓂᕆᔭᖅᑐᖅᐸᑦᑐᑦ, ᐊᒥᓱᖁᖅᐸᓪᓕᐊᑐᐃᓐᓇᖅᑐᑎᑦ ᐊᒥᓲᓂᖏᑦ. ᐊᒻᒪᓗ ᖃᔪᖅᑐᕐᕕᒻᒧᑦ ᑐᕌᖓᔪᑦ ᐳᐃᒍᕐᓂᐊᙱᓪᓚᕆᑦᑐᑎᑦ ᐱᓕᕆᕝᕕᕗᑦ ᓄᓇᓕᒻᒥᐅᑕᕐᓄᑦ ᐱᔨᑦᑎᓲᖑᓪᓗᑎᑦ ᓂᕿᖃᑦᑎᐊᙱᓛᖑᔪᓂᒃ ᑲᓇᑕᒥ, ᑕᐃᒪᐃᓐᓂᖅᓴᐅᓲᖑᕗᑦ, ᖃᔪᖅᑐᕐᕕᒻᒥᑦᑎᓪᓗᖓ, ᑐᓵᒍᓐᓇᓲᖑᕗᖓ ᐃᓪᓚᖅᑐᑯᓗᓐᓂᒃ ᐊᒻᒪᓗ ᐅᖃᖃᑎᒌᑦᑐᓂᑦ.
ᖃᔪᖅᑐᕐᕕᒃ ᐊᐅᓚᔪᓐᓇᐅᑎᑖᖅᑎᑦᑎᓂᖃᑦᑕᖅᑐᓂ ᓂᕿᑦᑎᐊᕙᑦᑎᒍᑦ ᓄᓇᓕᒻᒥᐅᓄᑦ ᑕᐃᒪᐃᒍᓐᓇᓲᑦ ᐊᔾᔨᒌᙱᑦᑐᓂᒃ ᓯᕗᓕᖅᑎᑦᑎᓐᓄᑦ ᐊᐅᓚᑦᓯᔨᒻᒪᕆᐅᖃᑎᒌᑦᑑᒃ ᐱᓪᓗᒋᒃ, ᔫᓯᐱ ᐊᒻᒪᓗ ᐳᕌᓐᓰᓐ. ᐃᑉᐱᒍᓱᑦᓯᐊᖅᑐᑎᒃ ᑲᒪᖃᑦᑕᕐᓂᖏᑎᒍᑦ ᐊᒻᒪᓗ ᑕᐅᑐᙳᐊᒐᕆᔭᖏᓐᓂᒃ ᐅᑉᐱᕈᓱᓐᓂᖃᒻᒪᕆᑦᑐᑎᒃ ᐊᑐᓂ ᑖᒃᑯᑎᒎᓇᖅ, ᑭᓯᐊᓂᓕ ᐃᓕᒌᑦᑎᐊᖅᑐᑎᒃ ᑕᖃᔪᐃᑦᑑᓪᓗᑎᒃ ᐃᖅᑲᓇᐃᔭᒻᒪᕆᖃᑦᑕᖅᑑᒃ ᐊᒻᒪᓗ ᓴᐱᓕᔪᐃᑦᑑᓪᓗᑎᒃ ᓯᕗᓕᖅᑎᐅᕙᑦᑐᑎᒃ.
ᐊᓯᖏᑦᑕᐅᖅ ᐃᖃᓗᒻᒥᐅᑦ ᑕᐃᒪᐃᒃᑭᕗᑦ, ᓂᕆᐅᑉᐳᖓ ᑕᑯᓛᕐᓂᑦᑎᓐᓂᒃ ᐊᕐᕌᒎᓂᐊᖅᑐᒥᒃ ᖃᔪᖅᑐᕐᕕᒻᒥ.
ᔨᐊᓯ ᕼᐊᓕ
ᔨᐊᓯ ᕼᐊᓕ, ᐊᖓᔪᖅᑳᖅ, ᑲᑎᒪᔨᖏᑦ
