Food in Nunavut

Food Insecurity in the North

ᓂᕿᑦᑎᐊᕙᒃᑐᕈᓐᓇᕐᓂᖅ, ᐱᑕᖃᙱᓗᐊᖅᑐᐊᓘᓂᖏᑦ ᐊᑭᑭᑦᑐᑦ, ᓂᕿᑦᑎᐊᕙᐃᑦ ᐊᑯᓂᐅᔪᒥᒃ ᓂᕿᖃᑦᓯᐊᙱᓗᐊᖅᑐᐊᓘᑎᑦᑎᓂᖃᖅᓯᒪᔪᖅ ᓄᓇᕗᒻᒥ ᐊᒻᒪᓗ ᐋᖅᑭᒃᑕᐅᓚᐅᖅᓯᒪᒐᓂ ᑕᒪᓐᓇ ᑭᒃᑯᑐᐃᓐᓇᐃᑦ ᓂᕈᐊᖅᑕᐅᓯᒪᔪᓪᓗ ᐃᓱᒫᓘᒋᖃᑦᑕᖅᑕᖓᑦ. ᖃᐅᔨᓴᕐᓗᑎᑦ ᐃᑲᔫᑎᒋᔭᐅᓲᑦ ᑕᒫᓂ ᒪᑉᐱᒐᕐᒥ ᐊᒻᒪᓗ ᐃᓕᓐᓂᐊᒃᑲᓐᓂᖁᓪᓗᑎᑦ. ᐃᓱᒪᒋᔭᖃᕆᑦ ᕿᒥᕐᕈᓗᑎᑦ ᐃᓚᐅᖃᑕᐅᒋᑦ ᒪᑉᐱᒐᑦᑎᓐᓄᑦ ᐅᕝᕙᓘᓐᓃᑦ ᒪᓕᓪᓗᑎᒍᑦ ᕙᐃᔅᕗᒃ−ᒃᑯᑎᒍᑦ ᐅᕝᕙᓘᓐᓃᑦ ᐃᓐᔅᑕᒍᕌᒻ−ᒃᑯᑎᒍᑦ ᑐᓴᐅᒪᖁᓪᓗᑎᑦ ᐱᓇᓱᐊᒐᑦᑎᓐᓂ ᓂᕿᖃᑦᓯᐊᕐᓂᕐᒥᒃ ᓇᒻᒥᓂᖁᑎᖃᕐᓂᕋᐃᓇᓱᐊᖅᑎᓪᓗᑕ.

2023−ᖑᑎᓪᓗᒍ, ᑭᒡᒐᖅᑐᐃᔨᖏᑦ QCFC ᓵᖓᓅᖅᓯᒪᓚᐅᖅᓯᒪᔪᑦ ᓄᓇᕐᔪᐊᕐᒥ ᓄᓇᓕᕐᔪᐊᑦ ᐃᓕᒌᑦ ᑎᓴᒪᖓᓐᓂ ᑭᒃᑯᑐᐃᓐᓇᐃᑦ ᐃᓄᐃᑦ ᐱᔪᓐᓇᐅᑎᖏᑦ ᕿᒥᕐᕈᓂᖃᖅᑎᓪᓗᒋᑦ. ᑐᓂᓯᒪᔭᑦᑎᓐᓂᒃ ᓇᓗᓇᐃᔭᐃᓚᐅᖅᓯᒪᔪᒍᑦ ᓂᕿᖃᑦᑎᐊᙱᑦᑐᐊᓘᓲᖑᒻᒪᑕ ᐊᒥᓱᑦ ᐊᑯᓂᐅᔪᕐᓗ ᐃᓄᐃᑦ ᖃᐅᑕᒫᑦᑎᐊᖅ; ᖁᑦᑎᓂᖅᐹᖑᓪᓗᓂ ᓂᕿᖃᑦᑎᐊᙱᓐᓂᖅᐹᖑᓲᑦ ᓄᓇᖃᖅᑳᖅᓯᒪᔪᑦ ᐊᒥᓲᓂᖏᓐᓂᒃ ᓄᓇᓕᕐᔪᐊᖃᖅᑎᓪᓗᒋᑦ ᐱᕙᓪᓕᐊᓂᓕᒻᒪᕆᒻᒥᒃ; ᐊᒻᒪᓗ ᐊᑭᖏᑦ ᐊᑭᑐᓂᖅᓴᒻᒪᕆᐅᓲᖑᓪᓗᑎᑦ ᒪᕐᕈᐊᖅᑎᒻᒪᕆᒃ ᐱᖓᓱᐊᖅᑎᒃᑲᓐᓂᒻᒪᕆᓪᓘᓐᓃᑦ ᖁᑦᑎᓂᖅᓴᐅᓲᑦ ᓄᓇᓕᕐᔪᐊᖓᑕ ᐊᑭᒋᓲᖏᓐᓂ. ᑕᒪᒃᑯᐊᓕᒫᖅ ᓄᓇᕗᒻᒥ ᑲᒪᒋᔭᖃᕋᓱᐊᖅᑐᑎᑦ ᓱᓕ ᐊᓂᒎᑎᖃᕐᓗᑎᑦ ᐊᒃᑐᐃᓂᖃᕐᓂᖏᑦ ᖃᓪᓗᓇᕐᔨᕐᖓᑦ ᐃᓕᖅᑯᓯᕐᒥᓂᒃ ᐅᖃᐅᓯᕐᒥᓂᓪᓗ ᐊᑐᖔᖅᑎᑦᑎᒐᓱᐊᖃᑦᑕᖅᑐᒥᓂᐅᑎᓪᓗᒋᑦ, ᐱᖃᓯᐅᑎᓪᓗᒋᑦ ᐊᒥᓲᓗᐊᖅᑐᐊᓗᑦ ᐊᔪᖅᓴᓲᑦ, ᐃᒻᒥᓃᓲᑦ, ᐊᒻᒪᓗ ᐋᖅᑭᒃᓱᖅᓯᒪᐅᕐᓂᖏᑎᒍᑦ ᓴᙱᓂᖃᕈᓐᓂᖅᓯᒪᑎᑦᑎᓂᖃᖅᑐᑎᑦ. ᐅᓂᒃᑳᕗᑦ, ᓇᐃᑦᑐᒃᑯᑦ ᐊᑐᖅᑕᐅᖃᑦᑕᕐᓂᑯᒥᓂᕐᓂᒃ ᐅᖃᐅᓯᓕᒃ, ᐋᖅᑭᒍᑎᒃᓴᒥᒃ ᐱᖃᓯᐅᔾᔨᒋᕗᖅ: ᑎᓴᒪᑦ ᐊᑐᓕᖁᔭᐅᓪᓗᑎᑦ, ᐊᑐᓕᖅᑎᑕᐅᑉᐸᑕ, ᓄᓇᕗᒻᒥ ᐃᓄᓐᓂᓪᓗ ᐊᖅᑯᑎᑖᖅᑎᑦᑎᓂᖃᕋᔭᖅᑐᖅ ᓂᕿᖃᖃᑦᑕᕐᓂᕐᒥᒃ ᓇᒻᒥᓂᖅᓱᐊᖃᕐᓗᑎᑦ.